لاہور۔ 22 جون (اے پی پی) بنجاہی وزیر ریلوے شیخ رشید احمد ءَ یکم جولائی چہ ریلوے ءِ اکانومی کلاس ءِ نہاداں 100روپئی ءُُ دگہ کلاسانی سرا 6چہ 7درسد ودکی ءِ جار جتگ۔ 50 کلومیٹر ءِ تاں سفر کنوکانی سرا کرایہ ءَ ہچ ودکی مہ بیت ءُُ نوں ایڈوانس بکنگ کنوکیں مسافرانی سرا ھم ودکی ءِ اطلاق مہ بیت۔ھپتگ ءِ روچ ءَ ریلوے ہیڈ کوارٹرز لاہور ءِ تہ پریس کانفرنسءَ گوں تران کنان ءَ بنجاہی وزیر شیخ رشید احمد ءَ گوشت کہ میاں اوستمانی منڈی ءَ تیل ءِ نہاداں ودکی سبب ءَ 3ارب ءِ گیش بار کپتگ ایشی ءِ درستاں چہ گیش اثر ریلوے ءِ سرا کپتگ اے ھاترا ریلوے ءِ کرایہ ءَ ودکی کتگ۔آہاں گوشت کہ مزن وزیر عمران خان 3 جولائی ءَ راولپنڈی ریلوے سٹیشن ءِ سراسرسید ایکسپریس ٹرین ءِ بنداتی کن انت۔ شیخ رشید احمدءَ گوشت کہ ریلوے ءِ تہ 8ہزار نوکریانی سرا بھرتی بیلٹ ءِ وسیلگ ءَ کنگ بنت،ٹی ایل اے ملازماں را پکہ کنگ ءِ ھاترا کمیٹی جوڈ کتگ ات۔مزن وزیر ءِ کڈنی ءِ سرا سرگودھا ایکسپریس ءَ را یک ماہ ءِ تاں میانوالی ءِ تاں برگ ءِ پیسلہ کتگ وھدیکہ نوشہرہ چہ درگئی تاں ریلوے ٹریگ پچ کنگ بوھگ انت۔آہاں گوشت کہ جناح ایکسپریس واکیہ ءِ بنداتی رپورٹ اتکگ انت ایشی ءِ تہ انسانی غلطی دیما اتکگ انت ءُُ ٹرین رپتار ھم گیش ات۔ وزیر ریلوےءَ گوشت کہ ٹرینانی تہ زوراکی ءَ گوں ریفرشمنٹ پھجارگ ءُُ بل چارج کنگ ءِ نوٹس گپتگ انت۔ آئندہ دراھیں ٹرینانی تہ مسافرانی ھاترا ریٹ لسٹ ءِ ھوار دگہ معلومداری نبشتہ کنگ بنت۔یک جستے پسو َ آہاں گوشت کہ ریلوے ءِ تاوان کم کنگءِ ھاترا میو گارڈن ءَ را بہا دیگ بوھگ انت،کشمیر ءِ نیمگا روکیں ریلوے لین ءِ منصوبگ ءَ را ھلاس کتگ ات۔آہاں گوشت کہ ایم ایل ون ءِ پی سی ون دیم دیگ بوتگ اودا اودا چہ ایم ایل ون گوزی ایت اوداریلوے ملازماں را نوکیں گس دیگ بنت۔کوشست انت کہ چین ءِ کمک چہ مزنیں شہرانی تہ اپارٹمنس جوڈ بنت تنکہ ہمک شہر ءَ 2چہ4ہزار ریلوے ملازماں را ایڈجسٹ کت کنیں۔
