اسلام آباد۔ 21 جون (اے پی پی) مزن وزیر عمران خان ئَ کرپشن ئُُ ٹیکس دزئی ئِ ھلاسی ئِ واستہ حکومت ئِ اولی کار لیکان ئَ راج ئَ را زور پر دات کہ ٹیکس ایمنسٹی سکیم ئِ رد ئَ گیشینتگیں وھد ئُُ پاس ئَ چہ گیشاں گیش سیت چست بکن ات، کرپشن کنوک آناں ما یل نہ کناں بلے ٹیکس دزّ آناں ھلاس کنگ ئِ واستہ الس ئِ کمک پکار انت، راج حکومت ئِ گوما ھواری ئَ ملک ئَ را چہ مشکل آں چہ در بکنت، ما را آیوکیں سال ئَ کساس پنچ ئُُ نیم ارب کلدار یکجا کنگی انت، راج پیسلہ بکنت گڈا ھمک سال ھشت ارب ئُُ نیم کلدار یکجا کنگ بوت کنت۔ اے ھیالانی درشانی آئی ئَ آدینگ ئِ روچ ئَ راج ئِ نام ئَ گشتانکی کلوہ ئِ تہ ئَ کت۔ مزن وزیر عمران خان ئَ گوشت کہ دمپہ ساھت الس ئَ را من گوشگ ئَ آں کہ 10سال آنی تہ ئَ پاکستان ئِ ڈنی وام 6ہزار ارب ئَ چہ 30ہزار ارب ئَ تاں سر بوتگ اَنت، حکومت ھمینکیاس گپت ئُُ مُچ کنت ایشانی تہ ئَ وام آنی سود ادا بوت نہ کنگ ئَ انت، نوں ڈنی وام آنی سر ئَ سود دیگ ئِ واستہ وام زورگ ئَ انت۔ آئی ئَ گوشت کہ پاکستان اے جاھ ئَ اتکگ ئُُ سر بوتگ کہ پاکستان ئَ کرپشن ئُُ ٹیکس دزّی انت، کرپشن کنوک آناں ما یل نہ کناں بلے ٹیکس دزّ ھلاس کنگ ئِ واستہ الس ئِ کمک ئِ ضلورت انت۔ ٹیکس دزّی ئِ ھلاپ ئَ الس حکومت ئِ گوما نہ مل ایت گڈا ما ملک ئَ را شیرد ئَ چہ کش ات نہ کناں۔ مزن وزیر عمران خان ئَ گوشت کہ پاکستان ئِ الس ھمک سکیں ساھت ئَ کمک ئَ پیسر بوتگ، بازیں درور دیم ئَ انت، شوکت خانم ہسپتال ئِ برجائی، 2005ئِ زمین چنڈ، سیلاپ ئُُ کدرتی آپت آنی ساھت ئَ پاکستانی الس ئَ کمک کتگ ئُُ مشکل آسانی ئَ گوں گوستگ اَنت۔ آئی ئَ گوشت کہ ما را پنچ ئُُُ نیم ارب کلدار یکجا کنگی انت۔ راج پیسلہ بکنت کہ ھمک سال ھشت ارب ئُُ نیم کلدار یکجا کت کن اَنت، ما وتی گریب آناں بزگی ئَ چہ در کت کناں ئُُ زھگ آنی آیوکیں باندات ئَ را گہتر کت کن اَنت۔ آئی ئَ گو شت کہ آ نہ لوٹ ایت کہ مردم پریشان بہ بنتم اسل اے سکیم ئَ چہ سیت چست بکن اَنت ئُُ ملک ئَ را مشکل ئَ چہ در بکن اَنت۔ آئی ئَ گوشت کہ ایف بی آر ئِ کرا سرجمیں ڈیٹا است انت، الس ایف بی آر ئِ مالوم داری تنج ئِ سر ئَ شت ئُُ وتی ڈیٹا ئَ چار ات کن اَنت۔
