اسلام آباد۔ 21 جون (اے پی پی) امیر قطر شیخ تمیم بن حمد الثانی پاکستان ئِ دو روچی سرکاری تر ئُُ تاب ئِ ھاترا (بدات ) شمبے ئِ روچ ئَ ادا پُج ایت۔ آ مزن وزیر عمران خان ئِ داتگیں دعوت ئِ پد ئَ 22ئَ چہ 23جون ئَ تاں پاکستان ئِ تر ئُُ تاب ئَ کنت۔ درئی کارانی کارگس ئِ نیمگ ئَ جاڑی بوتگیں آدینگ ئِ روچ ئِ بیان ئِ رد ئَ گتر ئِ امیر ئِ ھمبراھی ئَ وزیر ئُُ کلانہ ایں کارندہ ڈل ئِ ھمبراہ بنت۔ ایشی ئَ چہ پیسر آئی ئَ مارچ 2015ئَ پاکستان ئِ دو روچی تر ئُُ تاب کتگ بوتگ۔ تر ئُُ تاب ئِ ساھت ئَ امیر گتر مزن وزیر ئَ گوں سول ئُُ تران کنت ئُُ صدر ڈاکٹر عارف علوی ھم آئی ئَ گوں گند ئُُ نند کت۔ دوئیں نیمگ ئَ وت مہ وتی سیت ئُُ مھکمیں اقتصادی شریکداری ئِ کار رپک آنی سر ئَ ھیال ریچی ھم کنگ بیت۔ تر ئُُ تاب ئِ ساھت ئَ پاکستان ئُُ گتر جتا جتائیں شوبگ آنی تہ ئَ دو نیمگی کمک آنی دیمروئی ئِ واستہ منگ نامہ آنی سر ئَ دست چنگل ھم جنگ بیت۔ امیت انت کہ امیر گتر ئِ تر ئُُ تاب دو نیمگی یکوئی آناں گیش ودینگ ئُُ جتا جتائیں شوبگ آنی تہ ئَ کمک آناں گیش شاھیگانی رسیت۔
