اسلام آباد۔ 21جون (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پی ٹی آئی نا سیوتی جماعت پاکستان مسلم لیگ (ق) انا سینئر سرکڑدہ وزیراعظم عمران خان ، حکومت نا پالیسی و بجٹ آ پورو پت انا درشانی ئِ کرسا باوری کرفیر کہ مسلم لیگ (ق) اپوزیشن نا غیر جمہوری و غیر آئینی چم بازی تا مون آ سیسہ پلائی دیوال اس ثابت مریک، سندھ الیکشن کمیشن نا کنڈآن تینا کابینہ نا باسک انا ہڑزخواہی آ ہِننگ آ وزیراعظم ئِ نوٹس جاری کننگ ثابت کیک کہ داسکان نزور ادارہ غاتے پین سوگو کننگ نا ئِ۔ سندھ الیکشن کمیشن ئِ صوبائی حکومت نا نیام تمنگ انت اکن نظر بفننگ ئِ ، قومی احتساب بیورو (نیب) انا وی آئی پی بندی ایوان اٹ سلسا این آر او خواہسونے، طاقتور انگا شخصیت آتا جیل آ ہِننگ وزیراعظم عمران خان نا طاقتور ئِ کانود نا شکنجہ ٹی اتنگ کن بیانیہ ئِ سوگوی تسنے، اپوزیشن لیڈر باسک الیکشن کمیشن نا تعیناتی نا چھٹی اس نوشتہ کننگ آن پرفضاءسیل و سواتی ہند آتا دورہ غا ئس، داسہ او جان جوڑی نا سرٹیفکیٹ اس ایسونے بسونے تو دا معاملہ غاتے پارلیمانی وڑوڈول اٹ ایسر کینہ۔
