بجٹ ئِ الس نا است خواہی تار داٹ جوڑ کننگانے، وزیراعظم عمران خان ملک ئِ شونہالی و شونداری نا کسر آ اتنگ کن دے و نن ئِ اسٹ کرینے، وزیر مملکت ہاﺅسنگ اینڈ ورکس شبیر علی قریشی نا ”اے پی پی“ تون گپ وتران

اسلام آباد۔ 21جون (اے پی پی) وزیر مملکت ہاﺅسنگ اینڈ ورکس شبیر علی قریشی پارینے کہ بجٹ ئِ الس نا است خواہی تا رداٹ جوڑ کننگانے ، وزیراعظم عمران خان ملک ئِ شونہالی و شونداری نا کسر آ اتنگ کن دے و نن ئِ اسٹ کرینے، الس خراج ایتسا تینا قومی آ فرض ئِ پورو کے۔ داخیال آتا درشانی ئِ او جمعہ نادے آ ”اے پی پی“ تون گپ و تران کرسا کرے۔ اوپارے کہ مشکل حالیت آک ئُ اوکان پد اہم تحریک انصاف نا سرکڑدہ و حکومت دا ہیت انا فیصلہ ئِ کرینو کہ اخس کہ مننگ کرے الس ئِ ریلیف تننگے۔ اوپارے کہ وزیراعظم عمران خان ملک ئِ مشکل حالیت آتیان کشنگ کن متاماری کننگ ئِ۔ اسہ سوج اسے ناورندی ٹی اوپرے کہ قوم خراج ایتے و ملک ئِ مشکل حالیت آتیان کشنگ اٹ تینا قومی آ فرض ئِ پورو کے۔ اوپارے کہ خراج کون آ وزیراعظم عمران خان پارے کہ السی است خواہی تا رداٹ ملک و قوم انا شونداری و شونہالی آ خڑچ مریک۔