اسلام آباد۔ 21 جون (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ تینا کابینہ نا مسکوہی باسک و ایم این اے علی محمد مہر انا کزیت آ اونا خاہوت تون ہڑزخواہی کننگ آ وزیراعظم عمران خان ئِ جاری کروک شوکاز نوٹس تعجب اسے آن کم اف۔ وزیراعظم ہموڑے ہیت و گپ اس کرے نئے روایتی سیاست دان تیانبار شونداری ڈٹ آتا پڑو ئِ کرے، ایلو کنڈ سندھ حکومت سرکاری وسیلہ غاتے بے تک کاریم اٹ اتسا گچین کاری آن مست دھاندلی تیٹی اوار ے۔ جمعہ نادے آ تینا ٹویٹ اٹی وزیراعظم نا خصوصی کمکار ڈاکٹر فردوس عاشق اعوان پارے کہ سندھ حکومت نا وزیر آتا گچین کاری مہم کن باقاعدہ ڈیوٹی تے خلنگانے۔ داکان بیدس سد آتا کچ اٹ نوکری، وزیراعلیٰ سندھ انا کنڈآن پیکج و شونداری ڈٹ آتا پڑو ئِ کننگانے۔ اوپارے کہ اسہ کنڈ سندھ حکومت نا وزیر آک الیکشن کمیشن نا قاعدہ و ضابطہ نا بیخ ئِ پٹنگ ئُ تو ایلو کنڈ پیپلزپارٹی نا اومیت دار سندھ پولیس نا پروٹوکول اٹی تینا گچین کاری مہم ئِ چلیفنگ ئِ ، الیکشن کمیشن دا بے ڈولی تیا انت اکن چپ ئِ و نوٹس انت اکن ہلپننگ انگ ئِ۔
