اسلام آباد۔ 21جون (اے پی پی) اسپیکرقومی اسمبلی اسد قیصر پارینے کہ الیکشن کمیشن نا رول آتے ٹی بایدے ترمیم مرے تانکہ مخلص کارندہ غاتے پارٹی عہدہ ملنگ کے۔ جمعہ نادے آ قومی اسمبلی ٹی خواجہ آصف بجٹ آ تقریر اٹی اسپیکر ئِ پارے کہ نی اِرا دہائی آن اسہ جماعت اسے تون سلوک اُس ہراکہ سفت نا قابل ئِ۔ حکومت وفاداری تے بدل کروک آتیا بایدے انحصار کپ بلکن تینا مخلص کارندہ غاتے بایدے مون آ اتوئی مرے ہراڑا اسپیکر اسد قیصر پارے کہ الیکشن کمیشن نا رول آتے ٹی ہم بایدے ترمیم مرے و پارٹی الیکشن اٹی دُن انگا کارندہ غاتے مون آ اتنگے۔ رانا ثناءاللہ تون ہم دا بابت ہیت مسنے۔
