ڈالر نا بڑز ہِننگ نا بابت پیشنگوئی بایدے کننگپ، دا ملک اکن جوان اف، سینیٹر فیصل جاوید

اسلام آباد۔21جون (اے پی پی) پاکستان تحریک انصاف نا راہشون سینیٹر فیصل جاوید پارینے کہ ڈالر نا بڑز آ ہِننگ نا بابت پیشنگوئی بایدے کننگپ، دا ملک اکن جوان اف۔ جمعہ نادے آ ایوان بالا نا دیوان اٹی سینیٹر فیصل جاوید پارے کہ اے رحمان ملک ڈالر نا بڑز ہِننگ نا بابت ہراپیشنگوئی تے کرینے دا ملک اکن جوان اف۔ داوڑئُ پیشنگوئی بایدے کننگپ۔ رحمان ملک تینا تقریر اٹی ڈالر نا نہاد 160 آن 180 روپئی اسکان ہِننگ نا پیشنگوئی کریسس۔