اسلام آباد۔ 21 جون (اے پی پی)وزیر درئی کار شاہ محمود قریشی ئَ پاکستان ئَ سکیورٹی ئِ گہتریں جاور ھال آنی سبب ئَ اقوام ئِ متحدہ ئِ نیمگ ئَ چہ پاکستان ئَ را فیملی اسٹیشن نامینگ ئِ پیسلہ ئَ را وش اتک کنان ئَ گوشت کہ اے پاکستان ئِ باز ٹوھیں کامیاتی ات ، ایش میاں اوستمانی ادارگ آنی پاکستان ئِ سر ئَ دل یکیمی ئِ درشان انت، اے گامگیج ئِ بے مٹیں رند پد سہرا بنت، اے پیسلہ ئَ چہ وت مستری ئِ گوما سرمایہ کاری ئَ را دیمروئی رسیت۔ آئی ئَ اے آدینگ ئِ روچ ئَ میڈیا ئَ گوں تران کنان ئَ گوشت۔ وزیر ئِ درئی کار مخدوم شاہ محمود قریشی ئَ گوستگیں جاور ھال آنی ھوالگ ئَ دیان ئَ گوشت کہ 2008ئَ اسلام آباد میریٹ ہوٹل ئَ بمب تراک بوت، اے واکیہ ئِ بوھگ ئَ چہ پد آھودا استیں جتا جتائیں ملک آنی سفارت خانہ ئُُ اقوام ئِ متحدہ ئِ کارگس ئَ سیکورٹی جاور ھال آنی ھوالگ ئَ زر مبش ئِ پیداک بوتگ اَت، اے وڑ ئَ اقوام ئِ متحدہ ئَ اسلام آباد ئَ را ”نان فیملی اسٹیشن “ نامینتگ اَت ئُُ اے وڑ ئَ اے گپ انچو مھتل بوت۔ وزیر ئِ درئی کار ئَ گوشت کہ اے ساھت ئَ درئی کارانی کارگس، اقوام متحدہ ئِ گوما یک شل ئَ رابطہ ئَ بوتگ انچو کہ سیکورٹی جاور ھال آناں گر ئُُ دار ئُُ ناشرکاری ئَ را شکست دیگ ئَ مارا کامیاتی رستگ گڈا وزارت درئی کار ئَ اقوام متحدہ ئُُ ایشی ئِ ایجنسیز آنی سر ئَ زور داتگ کہ نوں سیکورٹی ئِ جاور ھال گہتر بوتگ اَنت نوں اقوام متحدہ ئَ را وتی پیسلہ آنی سر ئَ چار ئُُ بچار کنگ لوٹ ایت۔
