اسلام آباد۔ 20 جون (اے پی پی) الیکشن کمیشن ضمنی گچین کاری نا شیڈول آن پد وزیراعظم عمران خان نا گھوٹکی آبننگ آ اوڑان اسہ ہفتہ ٹی ورندی ئِ بٹنگانے۔ پنچ شنبے نادے آ الیکشن کمیشن نا کنڈآن جاری سرجم حوال آتارداٹ وزیراعظم عمران خان نا برخلاف ریٹرننگ آفیسر ئِ این اے 205گھوٹکی آن ضمنی گچین کاری تیٹی بشخ ہلوک آ اومیتدار عبدالباری پتافی نا کنڈآن دا غاو ملانے کہ وزیراعظم گھوٹکی ٹی مسکوہی باسک قومی اسمبلی نا اُراغا بس وخت اس کہ ضابطہ اخلاق نا رداٹ اسہ ہم پبلک آفس ہولڈر اس گچین کاری شیڈول آن پد حلقہ ٹی بننگ کپک و نئے شونداری ڈٹ اسے نا پڑو ئِ کننگ کیک۔ داڑا ریجنل الیکشن کمشنر شہید بے نظیر آباد و ڈسٹرکٹ مانیٹرنگ آفس این اے 205گھوٹکی وزیراعظم عمران خان آن دا نوٹس نا وصولی نا اسہ ہفتہ نا تہہ ٹی اوڑان ورندی بٹنگانے وخت اس کہ اودے پاننگانے کہ اگہ پک مروک وخت انا تہہ ٹی اونا ورندی ئِ تننگتو تو انضباطی کارروائی کننگک۔
