اسلام آباد۔ 20 جون (اے پی پی) مسکوہی صدر آصف علی زرداری اسپیکر نا کنڈآن پروڈکشن آرڈر جاری مننگ آن پد قومی اسمبلی نا دیوان اٹی بس تو پیپلزپارٹی نا باسک آک اودے بخیر کریر۔ باسک آک داوخت آ جیئے بھٹو نا نعرہ ئِ خلکر۔ پنچ شنبے نادے آ پروڈکشن آرڈر جاری کننگ آن پد ہراتم آصف علی زرداری قومی اسمبلی نا دیوان اٹی بشخ ہلنگ کن ایوان آ بس تو ہمووخت آ اوڑتون اوار بلاول بھٹو زرداری، بختاور ، آصفہ، شیری رحمان، رخسانہ بنگش ، روبینہ خالد، مہرین انور راجہ و ایلوفک ہم ئسر۔ بختاور ، آصفہ ، شیری رحمان و رخسانہ بنگش اسپیکر نا مہمان وخت اس کہ مہرین انور راجہ روبینہ خالد و ایلو سینیٹر آتے کن جتا وزیٹر ز گیلری ٹی توسر۔ ایوان اٹی بننگ آ پیپلزپارٹی نا غٹ باسک آک آصف علی زرداری نا نشست آ ہنا اوڑتون جوڑ بڑ کرے وخت اس کہ آصف علی زرداری پیپلزپارٹی نا زالبول باسک آتا کاٹم آ شفقت نا دوئِ تخا۔
