اسلام آباد۔ 20 جون (اے پی پی)پاکستانی لبزانکار آنی ڈل چین ئِ تر ئُُ تاب ئَ چہ پاکستانی لبزانک چین ئِ لبزانکی حلقہ آنی تہ ئَ پجاروکی کنائینگ ئَ کمکار سہرا بیت ئُُ چینی لبزانکار پاکستانی لبزانک ئَ چہ آشنا بنت۔ اے ھیالانی درشانی آئی ئَ بیجنگ (چین) ئَ پاکستانی سفیر مسعود خالد ئَ اکادمی ادبیات پاکستان ئِ چیر دستی ئَ پپاکستانی لبزانکار امجد اسلام امجد ، ڈکٹر اسل سومرو، بشریٰ فرخ ئُُ اکادمی ادبیات پاکستان ئِ ڈائریکٹر جنرل ڈاکٹر راشد حمید ئَ ھوار چار باسکی ڈل انوگ چین ئُُ پاکستان ئِ نیام ئَ کلچر ایکسچینج منوگر ئِ چیر دستی ئَ چائنا رائٹرزایسوسی ایشن (سی ڈبلیو اے) ئِ دعوت ئِ پد ئَ چین ئِ 5روچی تر ئُُ تاب ئِ سر ئَ انت، پاکستانی سفارت ھانہ ئِ تر ئُُ تاب ئِ موہ ئَ کت۔ مسعود خالد ئَ چائنا رائٹرز ایسوسی ایشن ئِ دعوت ئِ پد ئَ پاکستان ڈل ئِ تر ئُُ تاب چین ئَ را ساڑات ئُُ گوشت کہ اے تر ئُُ تاب ئَ پاکستانی ادب ئِ دیمروئی ئِ ھوالگ ئَ چائنا رائٹرز ایسوسی ایشن ئُُ اکادمی ادبیات پاکستان ئِ نیام ئَ یک وت مہ وتی یاتگیری ئِ سر ئَ دست چنگل جنگ لوٹ ایت ایشی ئِ رد ئَ لبزانکی چست ئُُ ایر آناں جوانیں رنگ ئَ سہرا کنگ بیت کنت۔
