اسلام آباد۔ 20 جون (اے پی پی) پاک بحریہ ئِ سروک ایڈمرل ظفر محمود عباسی ئَ گوشت کہ پاک بحریہ ئَ جتا جتائیں تاب ئُُ ریسیں بلے کامیاتیں آپریشنز کنگ بوت سیفٹی سٹینڈرڈز آنی کامیاتی آنی درور اَنت، پاک بحریہ ئِ ھمک کارندہ وتی زندمان ئَ ھوار راجی مڈی آنی رکھینگ ئِ واستہ سیفٹی سٹینڈرڈز آنی پابند اںانت، سیفٹی سٹینڈرڈ آنا یک شل دارگ ئُُ کار ئِ جاور آناں محفوظ دارگ یک دراج بُریں کار ات۔ آ پنچ شمبے ئِ روچ ئَ پاک بحریہ ئِ ھمک سالی سیفٹی ریویو برائے سال 2018ئَ گوں گشتانک دیگ ئَ ات۔ جارچین پاک بحریہ ئِ رد ئَ سیفٹی ریویو ئَ پاک بحریہ ئَ استیں رکھینگی سٹینڈرڈ آنی چار ئُُ تپاسی گرگ بوت۔ پاک بحریہ ئِ سروک ایڈمرل ظفر محمود عباسی ئَ گوشت کہ سیفٹی ئِ لوٹ بوتگیں آسر ھمے رنگ ئَ در جنگ بوت کن اَنت وھد ئِ ھمک مردم اے بابت ئَ وتہ زمہ واری آں چہ سر پد انت۔ آئی ئَ گوشت کہ سیکورٹی جاور ھال آنی سر ئَ تران کنان ئَ آئی ئَ گوشت کہ میاں اوستمانی ئُُ دمگی جاور گوں ترندی ئَ مٹ بوھگ ئَ انت۔ پاک بحریہ ئَ اے جاور آں گوں مقابلہ کنگ ئِ واستہ تیار بوھگ ئِ ضلورت انت۔ مراگش ئِ گڈ ئَ نیول چیف ئَ باج بروکیں یونٹس ئُُ گراب آناں سیفٹی ئِ ساز ئُُ سامان داد دات۔
