اسلام آباد۔ 20 جون (اے پی پی) مزن وزیر ئِ مشیر برائے موسمی مٹ ئُُ بدلی ملک امین اسلم ئَ گوشت کہ کلائیمیٹ سمارٹ ایگریکلچر پالیشی ئِ سر ئَ ترندی ئَ گوں کار جاڑی انت ئُُ سرجمی ئِ سیم سر آں سر انت، زوت ایشررا کابینہ ئِ منظوری ئِ واستہ پیش کنگ بیت۔ موسمی مٹ ئُُ بدلی ئُُ میاں اوستمانی تک ئَ نہ وشیں موسم ئِ سبب ئَ کشت ئُُ کشاری شوبگ ئَ بنیاتی مٹ ئُُ بدلی آرگ لوٹ ایت۔ پاکستان ئَ اے رنگیں کشت ئُُ کشاری ئِ ضلورت انت ایش موسم ئِ سارت کنگ ئَ گہگیر سہرا بنت۔ اے ھیالانی درشانی آئی ئَ میاں اوستمانی ادارگ برائے وردن ئُُ وراک وزارت ئِ ڈل ئَ گوں گشتانک دیان ئَ کت۔ گوستگیں روچ ئَ میاں اوستمانی ادارگ وردن ئُُ وراک ئُُ کشت ئُُ کشاری ئِ ڈل ئَ وزارت ئِ موسمی مٹ ئُُ بددلی ئِ تر ئُُ تاب کت ئُُ مزن وزیر ئِ مشیر برائے موسمی مٹ ئُُ بدلی ملک امین اسلم ئَ گوں گند ئُُ نند کت۔ ڈل ئِ سروکی ایف ۔ اے ۔ او ئِ پاکستان ئَ سفیر مینا دولت شاہی کنگ ئَ ات۔ ڈل ئَ گوشت کہ میاں اوستمانی ادارگ وردن ئُُ وراک ئُُ کشت ئُُ کشاری 47.69ڈالر ئِ کچ ئَ پاکستان ئَ کلائیمیٹ گہگیری کشت ئُُ کشاری ئِ پروگرام چلائین ایت۔ اے پروگرام پنجاب ئُُ سندھ ئِ ھشت ضلع آنی تہ ئَ شش سال ئَ سرجم بیت۔
