اسلام آباد۔ 20 جون (اے پی پی) مزن وزیر ئِ ھاسیں کمکارا برائے اھوالکاری ئُُ شنگ کاری ڈاکٹر فردوس عاشق اعوان ئَ گوشت کہ اچ ملک دگنیا ئَ تاں وھد ئِ دیمروئی کت نہ کنت تاں وھد ئِ ھک ئُُ پرز ھمک کچ مہ بنت، تاں وھد ئِ یک ئُُ دگر ئَ تپاک کنگ مہ بیت ھما وھد ئَ تاں پیسلہ بوت نہ کنت، پاکستان ئَ را رھشون ئِ واب آنی مانا دیگی انت، پاکستان ئَ را دیمروئی کنوکیں ئُُ گہتریں ملک جوڑ کنگ ئِ واستہ میڈیا ئِ کمک لوٹ ایت۔ مرچی آ ادا مراگش ئَ گوں گشتانک دیگ ئَ ات۔ مزن وزیر ئِ ھاسیں کمکار ڈاکٹر فردوس عاشق اعوان ئَ گوشت کہ میڈیا ئِ سر ئَ پبلک سروس میسج یک زمہ واری ات۔ انوگ ئَ تاں میڈیا ئَ پبلک سروس میسج ئَ را اے رنگ ئَ شنگ ئُُ تالان کنگ نہ بوتگ ھما وڑ کہ کنگ لوٹ اتگ۔ حکومت ئَ وتی زمہ واری ئَ را پیلو کنان ئَ پبلک سروس چلائینتگ۔ آئی ئَ گوشت کہ آزاتی ئَ گوں وتی لیکہ آنی درشان ھمک پاکستان ئِ ھک انت۔ حکومت کلوہ آناں ھمک شہری مردم آناں سر کنگ ئَ کمک کنگ ئَ انت۔ کجام ھم چاگرد ئِ جوڑیشت ئُُ دیمروئی ئَ را راستیں نیمگ ئَ سہرا کنگ المی انت۔ ڈاکٹر فردوس عاشق اعوان ئَ گوشت کہ جوانیں پجار ئَ را سہرا کنگ میڈیا ئِ المی ایں زمہ واری انت۔ آئی ئَ گوشت کہ وتی گوستگیں دور ئُُ باریگ ئَ وزارت ئِ اھوالکاری ئَ انفارمیشن ڈائریکٹوریٹ جوڑ کتگ۔ آئی ئَ گوشت کہ اھوالکاری پڑ ئَ گیش شررنگی آرگ ڈاکٹر عارف علوی ئِ وڑن انت۔ گوستگیں زمانگ ئَ دگنیا ئَ پاکستان ئِ ھرابیں لکا ئَ را سہرا کنگ بوتگ۔ میاں اوستمانی پڑ ئَ میڈیا ئِ کمک ئَ چہ چہ پاکستان ئِ جوانیں پجار ئَ را سہرا کنگ بیت کنت۔
