آوکیں مالی سال2019-20ءِ ھرچانی بجٹ ئِ مچ کساس 419.922بلین کلدارانت ، بجٹ تاوان 48.208بلین کلدار بیت ،آوکیں مالی سال ئِ بجٹ ئِ تہ بی پی ایس 1تا16ئِ ملازمانی پگھارانی تہ 10درسد ایڈہاک ریلیف ،بی پی ایس 17تا21ئِ افسرانی پگھارانی تہ 5درسد ایڈہاک ریلیف دیگ بوتگ،گریڈ 21ئُُ22ئِ صوبائی افسران ئِ پگھاراں ہچ ودکی مہ کنگ بوتگ،پنشنئِ تہ10درسد ودکیئُُ کم چہ کم پگھار 17500کلدار ماہانہ ایر کنگ بوتگ،بلوچستان ئِ ھزانگ وزیر میر ظہور بلیدی

کوئٹہ۔ 19جون(ا ے پی پی) صوبائی ھزانگ وزیر ظہور بلیدی ئَ بلوچستان ئِ مالی سال2019-20ئِ بجٹ ایوان ئَ پیش کنان ئَ گوشت کہ مالی سال 2019-20ئِ ھرچانی بجٹ ئِ مچ کساس 419.922بلین کلدار انت اے وڈ ئَ 2019-20ئِ ھاترابجٹ خسارہ 48.208بلین کلدار بیت۔ صوبائی وزیر ھزانگ ظہور بلیدی ئَ گوشت کہ مالیاتی بنیات ئِ سرا بنجاہی حکومت ئِ پدگرئَ روان ئَ حکومت بلوچستان بی پی ایس 1تا 16ئِ ملازمانی پگھاراں 10درسد ایڈہاک ریلیف ئِ جار جنئگ انت،بی پی ایس 17تا 20ئِ آفیسرانی پگھاراں5درسد ایڈہاک ریلیف دیئگ بیت وھدیکہ گریڈ21ئُُ22ئِ صوبائی افسرانی پگھارانی تہ ہچ ودکی مہ کنگ بوتگ۔آہاں گوشت کہ صوبگ ئِ معاشی جاورھال ئِ تہ گہتری ئِ ھاترا اے قربانی دیگ ئِ پیسلہ کتگ انت پنشنرزئِ پنشن ئَ 10درسد ودکی کنگ بوھگ انت،ایشی ئِ ابید کم چہ کم پگھار17500کلدار ماہانہ ایر کنگ بوتگ۔ صوبائی حکومت وتی ملازمین حاسکر Persons with Disabilitiesئِ فلاح و بہبودئِ ھاترا ھاسیں گامگیج چست کنگ انت۔اے درگت ئَ اے ملازمانی ھاترا اولی رند ئَ Special Allowanceئِ جار جنئگ انت ہمہ کہ 2ہزار کلدار بیت۔صوبہ بلوچستان ئَ دھکاں چہ ھشکی ئِ پدا اے سال ئَ ھور آنی سرا چار ئُُ تپاس کتگ بلے اے رنگیں گیشیں ھور ،آپ ئِ بحران ئِ حل نیست انت،حکومت ئَ زوت گامگیج چست کتگ اتئُُ پی ڈی ایم اےئِ سرا1.136بلین کلدار ھرچ کتگ ات ،باندات ئَ اے رنگیں آفت ئَ گوں دیم دیگ ئِ ھاترا حکومت ئَ 3.400بلین کلدار ایر کتگ ات۔ایشاں چہ 2بلین کلدار Disater Relief Fundئِ ردا سرمایہ کاری ئِ ھاترا ایر کتگ ات۔وھدیکہ 1.400بلین کلدار پی ڈی ایم اےئِ ھاترا ایر کنگ بوتگ ات ،راجی شاھدگانی سرا حادثاتئِ ھاترا حکومت 370ملین کلدار ئِ ھرچ ئَ گوں بلوچستان ئِ لہتیں دمگاں راجی شاھدگانی سرا آرام کنگ ئِ ھاترا 37دمگاںرا دیمروئی دیگ ئِ ارادہ ایر کنگ انت۔ حکومت ئَ بلوچستان عوامی انڈوومنٹ فنڈ جوڈ کتگ ایشی ئِ ردا3.7بلین کلدار مالی سال 2019-20ئِ ساعت ئَ سرمایہ کاری کنگ بوتگ وھدیکہ اے مکسد ئِ ھاترا 2019-20ئِ بجٹ ئِ تہ یک بلین کلدارایر کنگ بوتگ ات۔ بلوچستانئَ را گوستگیں دودھکاں چہ ناشرکاری ئِ ھطرناکیں لہر ئِ دیمپان انت ناشرکاری ئِ وئیلانی تہ بیران بوتگیں مردمانی ھاندان ئُُ ٹپیگانی سرا لکھاں کلدار ھرچ بوھگ انت،پیسرگیں حکومت ئَ اے ھاترا ہچ فنڈز مہ ایر کتگ ات۔استیں حکومت ئَ VICTIM OF TERRORISM FUNDہڈ کنگ انت ئُُ اے ھاترا 1بلین کلدار ایرکنگ بوھگ انت۔غریب ئُُ حقداریں مردمانی ابید اقلیتی براتری ئِ ڈس ایبلڈ مردمانی ھاترا حکومت ئَ 2018-19ئِ درگت ئَ 200ملین کلدار ھرچ کتگ ات۔ حکومت بلوچستان ئَ جرنلسٹ ویلفیئر فنڈ ئُُ ہاکرز ویلفیئر فنڈز ئِ ہڈ دیگ ئَ گوں اے گپے پیسلہ کتگ کہ ایشی ئَ چہ ہمہ کہ کلدار رسنت جرنلسٹ ئُُ ہاکرز باڈیز ئِ فلاح ئِ سرا ھرچ کنگ بنت۔حکومت ئَ اولی رند ئَ آرٹ ئُُ کلچر ئِ ودکی ئِ ھاتراآرٹسٹ ویلفیئر فنڈ ھم جوڈ کتگ انت آوکیں وھدئَ ماہی گیری ئِ فلاح ئِ ھاترا ھم اے رنگیں ویلفیئر فنڈ جوڈ کنگ بیت۔مئے حکومت ئَ اولی رند ئَ ھاسین ،معذورمردمانی روزگار ئِ ھاترا کوٹہ ئَ را2درسد ئَ چہ گیش کنان ئَ5درسد کتگ۔صوبگ ئِ راجدپتر ئَ اولی رند ئَ بلوچستان اسمبلی ئِ تہ زالبول کانود ساچانی ھاترا ڈے کیئرسینٹر ئِ ہڈ دیگ بوھگ انت۔