اسلام آباد۔ 19 جون (اے پی پی) پاکستان ئُُ برطانیہ ئَ دو نیمگی اقتصادی یکوئی، السی رابطہ ئُُ بزنس ئُُ دو د ئُُ ربیدگی کمک آناں گیش برجم کنگ ئِ سر ئَ تپاک کتگ۔ اے تپاک نامہ گوستگیں روچ ئَ وزیر ئِ درئی کار شاہ محمود قریشی ئِ دارالعوام ئَ لبرل ڈیموکریٹس ئِ سروک سروینس کیبل ئِ گوما گند ئُُ نند ئِ ساھت ئَ کنگ بوت۔ چار شمبے ئِ روچ ئَ جارچین ئِ رد ئَ دوئیں نیمگ ئِ پریک آں اے گپ ئِ سر ئَ تپاک کت کہ دوئیں ملک آنی نیام ئَ دو نیمگی یکوئی ھاسیں رنگ ئَ سرمایہ کاری ، سیل ئُُ سواد ، جان سلامتی ئُُ وانگ ئُُ زانگ ئِ شوبگ ئَ یکوئی آناں گیش شاھیگانی دیگ ئِ ضلورت ان۔ وزیر ئِ درئی کار ئَ سروینس کیبل ئَ را چاگردی سیکٹر ئَ سرمایہ کاری ئِ وسیلگ ئَ بنی آدمی دیمروئی ئِ ھوالگ ئَ حکومتی پالیشی، پاکستان ئَ اقتصادی موہ ئُُ ھاسیں موہ ئُُ ھاسیں اقتصادی زونز آنی بابت ئَ سرپد کت ئُُ پاکستان ئِ ھد ئُُ ابیل آنی ارزشت ئَ را سہرا کت۔ اے گند ئُُ نند ئَ لبرل ڈیموکریٹک سروک سروینس کیبل، لارڈ ڈک نیوبی، ظفرحق، الیکس ڈیوس،کلودگ ہگنسن ئُُ ایمی واﺅچر شریک اتنت۔
