کوئٹہ۔ 19 جون (اے پی پی) ریجنل ٹرانسپورٹ اتھارٹی کوئٹہ پشین اٹی ڈیورنگ لیسن تا چرجوئی ٹی باقاعدہ ٹیسٹ ہلنگ نا عمل نا بنائِ کرے دا چرجوئی ٹی سیکرٹری آر ٹی اے کوئٹہ ڈویژن روحانہ گل کاکڑ ڈیورنگ لیسن دوئی کروک آ مال بردار و پبلک گاڈی تا ڈیور آتیان باقاعدہ ڈیورنگ ٹیسٹ ڈی پی او آفس پشین اٹی بناکرے۔ داوخت آ ایس پی ٹریفک سریاب سیف اللہ کھیتران ہم اوڑتون اوار ساڑی ئس ۔ داوخت آ سیکرٹری آرٹی اے چندی کیٹگری نا اومیت دار آتیان ڈیورنگ لیسن تا کانود، ٹریفک نا اشارہ ، روڈ سائن و گاڈی تا چندی پرزہ غاتا و بشخ آتا بابت سوج کرے۔ ڈیورنگ لیسن تا معیار و قابلیت آ پورو سلوک آ اومیت دار آتے لیسن جاری کننگک۔ سیکرٹری آرٹی اے کوئٹہ ڈویژن روحانہ گل کاکڑ داوخت آ پارے کہ الس نا غاو و ہردے قومی شاہراہ تیا ودوک آ شکست آتا رداٹ ڈیور تا لائخی ئِ ہُننگ بھاز المی ئِ تانکہ دا شکست آتا توننگ و کچ ئِ کم کننگ مرے۔ اوپارے کہ شکست آتے ٹی گیشتر ڈیور تا ڈیوالائی و ناتجربہ کاری نا عنصر زیات مریک۔ ہنداخاطران غٹ کانودی کارروائی و معیار آ پورو سلوک آ اومیت دار آتے ڈیورنگ لیسن جاری کننگے۔ اوپارے کہ کوئٹہ آنبار پشین اٹی ہم ہر تُو باقاعدہ ڈیورنگ ٹیسٹ اڈتننگک تانکہ غٹ کانودی خواست آتیا پورو سلوک آتے کن ڈیورنگ لیسن آتے جاری کننگ ئِ ممکن کننگے انتئے کہ ننا لاپرواہی و ڈیوالائی آن انسانی زند خطرہ ٹی تمنگ کیک۔
