کوئٹہ۔ 19 جون (اے پی پی) چیئرپرسن بلوچستان ریونیو اتھارٹی مصری لدھانی پارینے کہ بلوچستان ریونیو اتھارٹی کچ اٹنگا وسیلہ و کچ اٹنگا افرادی واک آن پد ہم صوبہ نا الس کن ریکارڈ ریونیو یکجا کرینے۔ بلوچستان ریونیو اتھارٹی مالی سال 2015-16 آن ہلیس مالی سال 2018-19 اسکان کم و ود 22 ارب سیلز خراج نا مد اٹی یکجا کرے و بلوچستان ریونیو اتھارٹی 22 ارب سیلز خراج جمع کننگ کن خڑچہ بیرہ 6 کروڑ کرے۔ بلوچستان ریونیو اتھارٹی نا موازنہ ئِ اگہ ایلو صوبہ غاتا اتھارٹی تتون کننگے تو بی آر اے ریو نیو جمع کننگ نا مد اٹی غٹ آن کم خڑچہ کرے ہراکہ ریونیو نا بیرہ 0.28 درسد ئِ ، مصری لدھانی مستی پارے کہ بلوچستان ریونیو اتھارٹی ساڑی ہی ٹی کانود سازی نا مرحلہ ئِ پورو کرینے، کانود سازی نا مرحلہ بے کچ اہمیت تخک و بلوچستان ریونیو اتھارٹی خواری و جوان وڑاٹ دا مرحلہ ئِ طے کرے ہرافتے ٹی سرفہرست بی آر اے امینڈمنٹ ایکٹ 2019، بی ایس ٹی ایس امینڈمنٹ ایکٹ 2019، بلوچستان انفراسٹرکچر ڈویلپمنٹ سیس ایکٹ 2019، بی ایس ٹی ایس رولز 2019، بی ایس ٹی ایس ودھ ہولڈنگ رولز 2018، انٹرسٹی ٹرانسپورٹ رولز 2019، داکان بیدس بی آر اے ٹی ICT نا کاریم اٹ اتنگ ئِ اولیت تننگانے و خراج پیئر نا آسراتی تے مون آ تخسا گام گیج کننگانے۔ ہرافتیان بی آر اے نا سسٹم ئِ ایف بی آر نا سسٹم تون اوار کننگ، بی آر اے نا ویب سائٹ و ڈیٹا بینک نا جوڑ کننگ، اکاﺅئنٹ جنرل نا آفیس اٹی FAB سسٹم نا جوڑ کننگ، کسٹم کمامدارآتون اواری اٹ بی آر اے نا WeBoC سسٹم اٹی ودہولڈنگ نا ونڈو نا فراوانی ، سیلز خراج رئیل ٹائم انوائس ئِ المی کننگ و بی ایس ٹی ایس نا 1-link آن ادائیگی کون آ گام گیج داوخت اسکان بی آر اے کرینے۔ چیئر پرسن بلوچستان ریونیو اتھارٹی نا پاننگ ئِ کہ بی آر اے اسہ مثالی ئُ ادارہ اسے ہرا داخہ کم وخت اٹی دا غٹ کاریم تے صوبہ نا گیشتر فائدہ غاتے ٹی کرینے۔
