لاہور ۔ 19 جون (اے پی پی) مزن وزیر عمران خان ئَ پنت ئُُ شون دات کہ صوبہ پنجاب ئَ دیمروئی ئُُ گہبودی منصوبگ آںی کار رپک آرا پراھ ئُُ شاھیگان کنگ بہ بیت ئُُ ایشاناں سرجم کنگ ئِ واستہ گام ترند کنگ بہ بنت۔ آئی ئَ اے گپ چار شمبے ئِ روچ ئَ ادا سر وزیر پنجاپ سردار عثمان بزدار ئَ گوں گند ئُُ نند ئِ ساھت ئَ کت ۔ ایشی ئِ تہ ئَ چیف سیکرٹری پنجاپ ئُُ آئی جی پنجاپ ساڑی اتنت۔ گند ئُُ نند ئِ تہ ئَ صوبگ ئِ ھواریں جاور ھال ھاسیں رنگ ئَ صوبگ ئَ ایمنی ئُُ برجائی ئُُ الس ئَ را گہتریں آسراتی پجاری ئِ ھوالگ ئَ کار آنی سر ئَ گپ ئُُ تران بوت۔ مزن وزیر ئَ پنت ئُُ شون کت کہ لس مردم آنی زندمان ئَ را آسودگ ئُُ آسراتی ئِ وھد ئُُ موہ ئِ سر ئَ پجاری الم کنگ بہ بیت ئُُ ایشانی شکاست آنی زوت گیواری ئِ واستہ گامگیج دل یکیمی کنگ بہ بیت۔
