گھوٹکی۔ 19 جون (اے پی پی) مزن وزیر عمران خان ئَ چار شمبے ئِ روچ ئَ گھوٹکی ئَ پیسریگیں بنجاھی وزیر ھُدا مرزی علی محمد خان مہر ئِ گس ئَ شُت ئُُ آئی ئِ بیرانی ئِ پد ئَ دلپدردی ئِ درشان کت، اے موہ ئِ سر ئَ گورنر سندھ عمران اسماعیل، بنجاھی وزیر ڈاکٹر فہمیدہ مرزا ئُُ محمد میاں سومرو ئُُ راجی اسمبلی ئِ باسک غوث بخش مہر ھم آئی ئِ ھمبراہ اتنت۔ مزن وزیر ئَ ھُدا مرزی علی محمد خان مہر ئِ بیرانی ئِ پد ئَ آئی ئِ برات سردار علی گوہر خان مہر ، سردار علی نواز خان مہر ئُُ ھُدا مرزی ئِ زھگ سردار احمد علی خا ن مہر ئَ گوں دلپدردی کت ئُُ ھُدا مرزی روح ئِ آسودگی ئِ ھاترا پاتیہ ونت ئُُ دعا ئِ نیک کت۔
