اسلام آباد۔ 19 جون (اے پی پی) وزیراعظم عمران خان کم خڑچ آ زند گدریفنگ نا وڑاس دوئی کننگ نا گرج آ زور شاغسا عظیم دانشور و فلسفی خلیل جبران نا قول انا حوالہ ءِ تس کہ زندخذمت نا پن ءِ و ہنداٹی خوشی ءِ۔ چارشنبے نادے آ تینا اسہ ٹویٹ اسے ٹی وزیراعظم پارے کہ ہرکس کہ خلیل جبران نا بصیرت ءِ سرپند مننگ خواہک او کم خڑچ آ زند گدریفنگ نا وڑاس دوئی کننگ کن اونا لوز آتیا سجفر ہراٹی خلیل جبران پارے کہ ”ای خاچاٹ و تغ اس خناٹ کہ زند خوشی تیان پُرءِ۔ ای بش مسٹ و ہراٹ زند خذمت نا پن ءِ، ای خذمت کریٹ و چاہسوٹ کہ خذمت اٹی خوشی ءِ۔
