لندن۔ 19 جون (اے پی پی) وزیرخارجہ شاہ محمود قریشی پارینے کہ ننا حکومت راجی و اقتصادی شونداری نا ایجنڈاغا عمل کننگ ءِ، نن بنداوی ڈھانچہ نا شونداری (انفراسٹرکچر ڈویلپمنٹ)نا بابت جامع اصلاحات اتنگ اُن، نن برطانیہ تون ہڑتوم آ کنڈآتا واپاری و اقتصادی تعلقداری تے پین سوگو کننگ نا خواہندار اُن۔ داہیت ءِ او چارشنبے نادے آ لندن اٹی برطانوی وزیر جہانی شونداری روری اسٹیورٹ تون اوڑدہی ٹی گپ و تران کرسا پارے۔ اوڑدہی ٹی پاک۔ برطانیہ تعلقداری تتون اوار تین پہ تینی است خواہی نا معاملہ غاتیا گپ و تران کننگا۔
