اسلام آباد۔ 19 جون (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ بحیثیت اسپیکر ایاز صادق نا ریکارڈ بھاز بد ئس، اواپوزیشن آ زور شاغاو عمران خان نا برخلاف جعلی ءُ ریفرنس اس دائر کرے۔ چوہدری فواد حسین دا ہیت ءِ 2016ء ٹی مسکوہی اسپیکر ایاز صادق نا کنڈآن ایم کیو ایم نا اسہ قومی اسمبلی نا باسک اسے نا پروڈکشن آرڈر جاری کننگ نا بابت راجی رابطہ نا ویب سائٹ آ اسہ ٹویٹ اسے نا ورندی ٹی پارے۔ تینا ٹویٹ اٹی بنجائی وزیر پارے کہ بیرہ ریکارڈ نا درست کننگ کن پاننگ اُٹ کہ داہمووخت آ ایم کیو ایم اپوزیشن پارٹی الوکہ، او حکومت نا بشخ اس ئسک۔ ایاز صادق عمران خان آ جعلی ریفرنس دائر کرے و اونا دور اٹی اپوزیشن زیات وخت بائیکاٹ آ ئس۔
