اسلام آباد۔ 19 جون (اے پی پی) سوئی ناردرن گیس پیپ لمیٹڈ (ایس این جی پی ایل) و سوئی سدرن گیس کمپنی (ایس ایس جی سی) اینخو نا مالی سال جولائی 2018ء آن مارچ 2019ء ٹی 5لکھ 21 ہزار 137 پوسکن آ گیس صارف آتے کنکشن جاری کرینے۔ پٹرولیم ڈویژن نا ذرائع نا رداٹ اینخو نا مالی سال اکن جم وڑاٹ ہڑتوم آ کمپنیک 10 ہزار 63کلومیٹر مریس ٹرانسمیشن و ڈسٹری بیوشن پیپ لین تالان کننگ نا ہدف ءِ مقرر کرینے ہرافتیان مارچ 2019ء اسکان 5 ہزار 606 کلومیٹر مریس ٹرانسمیشن و ڈسٹری بیوشن پیپ لین تالان کننگانے۔ ہڑتوم آ کمپنیک گیس پیپ لین تا خلنگ نا ہدف ءِ دوئی کننگ کن کوشست آتے ترند کرینو ہراڑان گیس انا صارف آتے گیس انا فراوانی ءِ گچین کننگ و گیس انا نسخان تیٹی کمتی اتنگ اٹ کمک رسینگک۔
