قاہرہ۔ 19 جون (اے پی پی) اقوام متحدہ مصر انا مسکوہی صدر ڈاکٹر محمد مرسی نا عدالت اٹی سماعت نا وخت آ مروک آ کزیت نا دمدستی و پورو جاست وپاست کرفنگ نا خواست ءِ کرینے۔ جہانی میڈیا نا رداٹ اقوام متحدہ نا انسانی حق انا معاملہ غاتا ہائی کمشنر نا ترجمان روپرٹ ولیولے نا بابت پارینے کہ حراست اٹی شکستی کزیت آن پد اسہ وتواجہ ءُ ادارہ سے نا کنڈآن کزیت نا سوب آتے پیدوار کننگ کن دمدستی وڑاٹ منصفانہ و پورو وڑاٹ بایدے ساف و شفاف جانچ مرے۔ اوڈاکٹر محمد مرسی نا حراست نا شڑت آتا بارواٹ گڑتی تا درشانی ءِ کرے ہراٹی ناکافی طبی خیالداری اسکان رسینگ اوارے۔ داہیت ذکر انا قابل ءِ کہ مسکوہی صدر مرسی نا سیاسی جماعت اخوان المسلمین نا سیاسی بازو دی فریڈم اینڈ جسٹس پارٹی محمد مرسی نا کزیت ءِ خون اس گوندانے۔ ترکی نا صدر ہراتم طیب اردگان محمد مرسی نا کزیت نا دوبہ ءِ مصر انا ”غاصب“ آتیا خلک وخت اس کہ قطر انا امیر شیخ تمیم بن حمادال ثانی اونا کزیت آ ڈکھ انا درشانی ءِ کرے۔ ایمنسٹی انٹرنیشنل نا ڈپٹی ڈائریکٹر دے ٹک نیامی و قطبی امریکہ نا پاننگ ءِ کہ مرسی ءِ شش سال اسکان بند تنیائی ٹی تخنگا ہرااونا دماغ و جسمانی حالیت آ قابل ذکر اثر شاغا۔

متعلقہ مضامینمصنف کی طرف سے مزید