اسلام آباد ۔ 18 جون (اے پی پی) مزن وزیر عمران خان ئَ گوشت کہ پاک ۔ چین نزیکیں یکوئی پڑ ئَ ایمنی ئُُ برجائی ئِ کلیت انت میاں اوستمانی ئُُ دمگی کار آنی سر ئَ پاکستان ئِ کرد ئِ واستہ چین ئِ کمک لائگ ئِ ستا انت۔ آئی ئَ اے گپ چین ئِ پیپلز لبریشن آرمی گراﺅنڈ فورسز ئِ کمانڈر جنرل ہان ویگیو ئَ گوں تران کنان ئَ کت آئی ئَ سئے شمبے ئِ روچ ئَ ادا آئی ئَ گوں گند ئُُ نند کت۔ مزن وزیر ئَ جنرل ہان ویگیو ئَ را نشان امتیاز (عسکری) رسگ ئِ پد ئَ مبارکی دات۔ آئی ئَ بنیاتی سیت آنی کار آنی سر ئَ یک ئِ دومیگ ئِ واستہ چین ئُُ پاکستان ئِ وت مہ وتی کمک ئِ ارزسشت ئَ سہرا کت۔ مزن وزیر ئَ اپریل 2019ئَ بیجنگ ئُُ جون 2019 ئَ بشکک ئَ چینی صدرشی جن پنگ ئِ گوما پراھ ئُُ شاھیگانیں ھیال ریچی ئِ ھم تران کت۔ آئی ئَ گوشت کہ سی پیک صدرشی جن پنگ ئِ جوانیں بلیلٹ اینڈ روڈ گامگیج ئِ فیلگ شپ منصوبگ انت ئُُ پاکستان سی پیک ئِ دومی برھ ئَ دوئیں ملک آنی نیام ئَ چاگردی ئُُ اقتصادی دیمروئی ئِ واستہ کمک آناں گیش جھلانک کنگ ئِ واھشت ایگ انت۔ جنرل ہان ویگیو ئَ گوشت کہ نشان امتیاز ملٹری ئِ ایوارڈ آئی ئِ واستہ یک شرپ ات۔ آئی ئَ ناشرکاری ئِ ھلاپ ئَ پاکستان ئِ کامیاتیں کوشست ئُُ پڑ ئَ ایمنی ئُُ برجائی ئِ واستہ گامگیج آناں ساڑات۔ آئی ئَ پاک ۔ چین بے دروریں یکوئی ئُُ دوستی ئِ ارزشت ئِ سر ئَ زور دیان ئَ توامیں شوبگ آنی تہ ئَ دو نیمگی کمک آنا ں گیش جھلانک کنگ ئُُ چین ۔ پاکستان ئَ را گیش شاھیگانی دیگ ئِ جزم ئِ درشان کت۔
