اسلام آباد ۔ 18 جون (اے پی پی) فیڈرل بورڈ آف ریونیو (ایف بی آر) ئِ چیئرمین سید شبر زیدی ئَ فنانس بل 2019 ئَ استیں کانودی ئُُ تکنیکی ردیگ آںی ساپ کنگ ئِ واستہ کمیٹی ئِ جوڑ کت۔ ایف بی آر ئِ نیمگ ئَ سئے شمبے ئَ جاڑی بوتگیں بیان ئِ رد ئَ اشفاق تولہ کمیٹی ئِ چیئرمین وھدیکہ ایف بی آر ئِ ممبر لینڈ ریونیو (پالیشی) حامد عتیق سرور شریکیں چیئرمین بنت۔ کمیٹی ئِ ایندگر ممبر عابد شعبان، ضیاءاعوان، محمد اویس، آصف ہارون، عبدالقادر میمن، عامر جاوید، افتخار تاج ئُُ محمد رفیق ھوار انت۔ کمیٹی ئِ کاررپک ئُُ رھبند آنی تہ ئَ کانودی ئُُ تکنیکی کمی ئَ را نوک سر چارگ بیت ئُُ ایف بی آر ئَ را ساپ ئُُ شر کنگ ئِ واستہ مشورہ دیگی انت، بیان ئِ رد ئَ تکنیکی ئُُ کانودی ردیگ آنی شوھاز کنان ئَ ایشی ئِ ھال 21جون 2019 ئَ تاں کارگسی وھد ئُُ پاس ئَ کمیٹی ئِ شریک چیئرمین حامد عتیق سرور ئِ کارگس کوٹی نمبر 355، تھرڈ فلور، ایف بی آر ھیڈ کوارٹرز اسلام آباد ئِ سر ئَ دیگ بوت کنت۔ ایشی ئَ ابید ای میل ئِ سر ئَ ھم نزیکی کنگ بوت کنت۔
