وت مہ وتی واھگی کار ، دیمپانی کمک آناں گیش ودینگ ئَ ھوار ایندگر کار آنی سر ئَ ھیال ریچی کنگ بوت
راولپنڈی ۔ 18 جون (اے پی پی) عراق وزارت دیمپان ئِ ادارکی سیکرٹری دیمپان ئُُ ڈپٹی چیف آف لاگ سٹاف لیفٹیننٹ جنرل (سٹاف) پائلٹ علی محمد سلیم الاریجہ ئَ وزارت دیمپان ئِ سیکرٹری لیفٹننٹ جنرل (ر) اکرام الحق ئَ گوں وزارت دیمپان راولپنڈی ئَ گند ئُُ نند کت ایشی ئِ تہ ئَ وت مہ وتی واھگی کار، دیمپانی کمک ئَ را گیش ودینگ ئَ ھوار ایندگر کار آنی سر ئَ ھیال ریچی کنگ بوت۔ پُرمڈاھیں مہمان آں عراق ئَ سلاھ بندیں اُرد ئِ آپریشنل کار ھاسیں رنگ ئَ داعش ئَ را شکست دیگ ئِ بابت ئَ بریفنگ دیان ئَ گوشت کہ عراق ئِ سلاھ بندیں اُرد آں آماچیں دمگ آنی تہ ئَ کامیاتیں آپریشنز آنی وسیلگ ئَ ایمنی برجا کتگ۔ آئی ئَ آماچیں دمگ آنی نوک سر جوڑیشت ئُُ برجائی ئِ کار آنی بابت ئَ سرپد کت۔ سیکرٹری دیمپانی لیفٹیننٹ جنرل (ر) اکرم الحق ئَ عراقی سلاھ بندیں اُرد ئِ ناشرکاری ئِ ھلاپ ئَ جنگ ئُُ داعش ئَ را شکست دیگ ئِ واستہ کوشست آناں ساڑات۔ آئی ئَ پاکستسان ئِ سلاھ بندیں اُرد ئِ ناشرکاری ئِ ھلاپ ئَ جنگ ئَ کامیاتی، فاٹا ئَ را راجی ھمگام کنگ ئِ واستہ کوشست آنی بابت ئَ سرپد کت۔ سیکرٹری دیمپان لیفٹیننٹ جنرل (ر) اکرام الحق ئَ عراقی سلاھ بندیں اُرد ئِ ھیل کاری ئِ واستہ گوشت ئُُ دو نیمگی کمک ئَ را ودینگ ئِ واستہ کوشست آناں گیش ترند کنگ ئِ سر ئَ زور پر دات۔
