روڈ ٹو مکہ پروجیکٹ ءِ سرسہب کننگ کن ایوی ایشن ڈویژن تینا کڑد ءِ ادا کننگ ءِ
بنجائی وزیر ہوابازی غلام سرور خان
پی آئی اے ءِ آب زم زم پاکستان آ سرکننگ کن وخت آن مست بست و بند آتے پورو کننگ نا پارت
اسلام آباد۔ 18 جون (اے پی پی) بنجائی وزیر ہوابازی غلام سرور خان پارینے کہ روڈ ٹو مکہ پروجیکٹ ءِ سرسہب کننگ کن ایوی ایشن ڈویژن تینا کڑد ءِ ادا کننگ ءِ ہرانا رداٹ 90 درسد پاکستانی حاجی تا امیگریشن و کسٹم پاکستان اٹی مریک و او سعودی ایئر پورٹ آتیا اتنظار نا خواری آن بچرہ، ایوی ایشن ڈویژن ملک انا 5بھلا بالی پٹ ہرافتے ٹی کراچی، اسلام آباد، سکھر، رحیم یار خان، فیصل آباد و کوئٹہ اوارو، آ دا سال آ حاجی تیکن سعودی عرب آن پاکستان آ اتوک آ آب زم زم ذخیرہ کننگ کن پارت جاری کرینے۔
