اسلام آباد۔ 18 جون (اے پی پی) وزیر مملکت موسمیاتی بدلی زرتاج گل پارینے کہ قدرتی آفت آتیان پاکستان تون اوار مچ آ دنیا زہمی مننگ ءِ، 14اگست آن اسلام آباد اٹی پلاسٹک بیگ آتیا پابندی نافذ کننگک، وزیراعظم عمران خان موسمیاتی بدلی آ بھاز زیات چکار کننگ ءِ انتئے کہ او اسہ وژنری لیڈر اسے ہرا ملک ءِ مون تروک موسمیاتی بدلی نا زہم تیان جوان وڑاٹ بلد ءِ۔ داخیال آتا درشانی ءِ او سے شنبے نادے آ موسمیاتی بدلی تا بابت داڑے اڈ ہلوک آ اسہ دود اسے آن تران کرسا کرے۔ اوپارے کہ پاکستان قدرتی آفت آتیان زہمی مروک آ ہفتہ می ملک ءِ۔ زرتاج گل پارے کہ موسمیاتی بدلی نا سوب پاکستان ءِ نوکاپ، دیر انا کاختی، درجہ حرارت اٹی ودکی تون اوار ایلو قدرتی آفت آتا مون تروک ءِ۔ اوپارے کہ پاکستان تحریک انصاف (پی ٹی آئی) نا حکومت قدرتی آفت آتون مون تننگ کن بلین ٹری سونامی ڈٹ اتون اوار اہم ڈٹ آتا بناءِ کرینے۔ داکان بیدس حکومت کلین گرین مہم نا ہم بناءِ کرینے۔ اوپارے کہ 14 اگست آن اسلام آباد اٹی پلاسٹک بیگ آتیا پابندی خلنگک۔ وزیر مملکت زرتاج گل پارے کہ اسلام آباد دنیا نا اولیکو شار مریک ہراڑے پلاسٹک بیگ آتے 14اگست آن پورووڑاٹ چٹفنگک۔ اوپارے کہ پاکستان مچ آ دنیا ٹی موسمیاتی بدلی آن زہمی مروک آ ہفت می ملک ءِ ہرانا رداٹ وزیراعظم عمران خان ہم موسمیاتی بدلی نا زہم تا مون ءِ توننگ کن خصوصی گام گیج کننگ نا فیصلہ کرینے۔ وزیر مملکت پارے کہ پاکستان اٹی نوکاپ، ہیٹ ویوز کون آ قدرتی آفت آتا مون ءِ توننگ کن حکومت بلین ٹری سونامی ڈٹ انا بناءِ کرینے و کلین گرین پاکستان مہم نا ہم بناءِ کرینے۔ اوپارے کہ موسمیاتی بدلی نا بابت کروک آ گام گیج آتے ٹی مثبت پیش رفت مریک۔
