اسلام آباد ۔ 17 جون (اے پی پی)بنجاہی وزیر برائے منصوبگ بندی ،دیمروئی ئُُ گہترکاری مخدوم خسرو بختیارئُُ چینئِ سفیر یاو¿ جنگ ئَ دوشمبے ئَ اسلام آباد ئِ تہ میٹنگ ئِ درگت ئَ مشرقی کوریڈور سکھر چہ حیدرآباد ئِ تاں باٹ موڈ ئِ تہ کار ئِ رپتار ترند کنگ ئُُ زوت سرجم کنگ ئِ سرا تپاک کتگ۔ میٹنگ ئِ تہ سی پیک پراجیکٹ ڈائریکٹر حسان داﺅدئَ ھم بھرزوری کتگ۔گند ئُُ نند ئِ درگت ئَ سی پیک فریم ورک ئِ ردا جاڑی منصوبگانی رپتار ئِ سرا تسلہ ئِ درشان کتگ۔بنجاہی وزیر ئَ گوشت کہ استیں حکومت سی پیک ئِ ردا جاڑی منصوبگانی سرا کار کنگ ئِ رپتار ئَ را گیش مھکم کنگ ئِ ھاترا پر عزم انت۔بنجاہی وزیر ئَ چاگردی ئُُ اقتصادی دیمروئی ئُُ کشت ئُُ کشاری ئِ تک ئَ را سی پیک فریم ورک ئِ تہ ھوار کنگ ئِ سرا چین ئِ راھشون ئُُ حکومت ئِ منت گپتگ ات۔آہاں گوشت کہ کشت ئُُ کشاری ئِ معاہدہ ئِ سرا دستخط یک مزنیں سنگ میل ات،آہاں گوشت کہ پاکستان کشت ئُُ کشاری ئِ تک ئِ تہ سرمایہ کاری کنگ ئُُ یکجاھیں منصوبگ بناءکنگ ئِ ھاترا چین ئِ ایگری کمپنیئَ را وش اتک کن ایت۔ خسرو بختیارئَ گوشت کہ گوادر سمارٹ پورٹ سٹی پلان ئَ را زوت گڈی دروشم دیگ بیت ہمہ کہ کوسٹل سٹی ئِ دیم روئی ئِ ھاترا اژدری انت۔گند ئُُ نند ئِ تہ سی پیک فریم ورک ئِ ردا لہتیں منصوبگاں بشمول 300میگا واٹ کول پاورپلانٹ گوادر ئُُ کوہالا ہائیڈرو پاور سٹیشن ئِ سرا ھم گپ ئُُ تران کنگ بوتگ۔
