اسلام آباد ۔ 17 جون (اے پی پی) مزن وزیر ئِ ھاسیں کمکار برائے اھوالکاری ئُُ شنگ کاری ڈاکٹر فردوس عاشق اعوان ئَ گوشت کہ مرچی جمہوریت ئِ چیمپیئنز ئَ پارلیمنٹ ئَ را وتی اسپر جوڑ کتگ، سپیکر ئَ را چیمبر ئِ توک ئَ چپ ئُُ چاگرد کنان ئَ جمہوریت ئَ را چرِک کتگ، ”اقامہ“ ہولڈر خواجہ آصف پارلیمنٹ ئِ ڈن ئَ اوشتاتگ ئُُ وزیر آنی کار کرد ئَ گوشگ ئَ بوتگ، خواجہ آصف نیب ئَ سر بہ بیت کہ آرا گوانک جنگ ئَ انت، سیاسی بگوڑا وام زرتگیں آکسیجن سلنڈر ئِ سر ئَ چلگ ئَ انت، آ رائیونڈ ئَ چہ آکسیجن وام زورگ ئَ شتگ بوتگ اَنت۔ اے ھیالانی درشانی آئی ئَ دو شمبے ئَ ہیڈ کوارٹر ئَ میڈیا ئَ گوں تران کنان ئَ کت۔ ڈاکٹر فردوس عاشق اعوان ئَ گوشت کہ مزن وزیر توامیں زور آنی ابید جھل نہ بیت ئُُ نہ کہ یک پشت ئَ در ئِ پچ بیت۔ آئی ئَ گوشت کہ وھد ئِ دلیل ھلاس بنت گڈا زات ئِ سر ئَ ارش کناں گڈا گپ پکو بیت کہ آوانی کراّ اچ نیست، بھتام جنوک مزن وزیر ئِ سر ئَ کرپشن ئِ بھتام ئِ جت نہ کتگ۔ یک جستے ئِ پسو ئَ آئی ئَ گوشت کہ مزن وزیر عمران خان راج ئَ را دل رنج نہ کنت ، 20کروڑ الس ئَ گوں عمران خان ئِ امیت انت چیا کہ آئی ئِ دامن ساپ انت ئُُ الس ئِ وشھالی ئِ ھاترا شپ ئُُ روچ کار کنگ ئَ انت۔ آئی ئَ گوشت کہ پیمرا ئَ را نوکیں چینل آنی واستہ 187 درخواست رستگ، پیمرا ئَ 11 وانگ ئُُ زانگی ، 2دھکان،5 سپورٹس ،چینلز ئِ واستہ لائسنس جاڑی کتگ ، انوگ ئَ ھم مارکیٹ ئَ مزنیں کسا س ئَ نوکیں چینلز آنی ڈیمانڈ انت، نوکیں چینلز آنی پچ بوھگ ئَ چہ روزگار ئِ موہ گیش بنت۔ آئی ئَ گوشت کہ پیمرا ئَ 3ڈی ٹی ایچ لائسنس جاڑی کتگ، ڈی ٹی ایچ آیگ ئَ چہ سکرین ئِ کوالٹی گہتر بوتگ، ڈی ٹی ایچ ئِ آسراتی ٹوھیں شہر آنی تہ ئَ 70ئَ بگر تاں 80درسد ئَ تاں است انت۔ یک جستے ئِ پسو ئَ آئی ئَ گوشت کہ کوڈ آف کنڈیٹ ئِ ھلاپ کنگ ئِ پد ئَ چینلز آنی ھلاپ ئَ 587کیس گوشداری بوھگ ئَ انت۔ آئی ئَ گوشت کہ میڈیا ئِ جیڈھ آنی گیواری ئِ واستہ میڈیا ٹریبونل جوڑ کنگ ئِ سمری روان دیگ بوھگ ئَ انت، پیمرا ئِ سیکشن 30 اے ئِ تہ ئَ مٹ ئُُ بدلی ئَ چہ سوشل میڈیا ئِ جیڈھ گیوار بنت۔ آئی ئَ گوشت کہ میڈیا ئِ ھوالگ ئَ اولی ورکشاپ جولائی ئَ بیت، میڈیا ورکشاپ ھمک سئے 3ماھ ئَ چہ پد برجم دارگ بیت۔ آئی ئَ گوشت کہ کوڈ آف کنڈکٹ ئِ ھوالگ ئَ چینلز آنی جیڈھ پیمرا ئَ گیوار کنگ بہ بیت۔
