ساڑی حکومت نا سخت کوشست آتا سوب دنیا اینو نا پاکستان ءِ بے کچ اہم ءُ ملک اسے نا حیثیت اٹ ہُننگ ءِ، ہرا سٹریٹجک و زرکاری نا وارخواہی تیان پبی ءِ، انشاء اللہ ننا ملک زوت شونداری و شونہالی آن ہمکنار مریک
اسلام آباد۔ 17 جون (اے پی پی) وزیراعظم عمران خان پارینے کہ ساڑی حکومت نا سخت کوشست آتا سوب دنیا اینو نا پاکستان ءِ بے کچ اہم ءُ ملک اسے نا حیثیت اٹ ہُننگ ءِ، ہرا سٹریٹجک و زرکاری نا وارخواہی تیان پبی ءِ، انشاء اللہ ننا ملک زوت شونداری و شونہالی آن ہمکنار مریک۔ اوداہیت ءِ دوشنبے نادے آ پی ٹی آئی آن تعلق تخوک آ سینیٹر آتون پارلیمنٹ ہاؤس اٹی تینا چیمبر اٹی گپ و تران کرسا پارے۔ اوڑدہی ٹی سینیٹر شبلی فراز، خصوصی کمکار نعیم الحق و سینیٹر فیصل جاوید ئسک ہم ساڑی ئسر۔ اوڑدہی ٹی ایوان بالا ٹی پارلیمانی و کانود سازی نا بابت چندی معاملہ خاص کر بجٹ سلاہ نا بابت معاملہ غاتیا گپ و تران مس۔ وزیراعظم ایوان بالا نا معاملہ غاتے ٹی باسک آتا کڑد انا بابت تینا وژن آن معلومدار کرے۔ وزیراعظم پارے کہ الس پارلیمنٹرینز آتے تینا حق و است خواہی تا ترجمان نا حیثیت اٹ ہریرہ، باسک آک ہراتم الس نا توار مریرہ تو الس نا است بڈی مریک۔
