اسلام آباد۔ 17 جون (اے پی پی) وزیراعظم عمران خان فیصل آباد اٹی سینئر صحافی سمیع ابراہیم تون پیش بروک آ ناخوشگوار واقعہ نا نوٹس ءِ ہلسا داڑا است ہسونی نا درشانی ءِ کرینے۔ وزیراعظم دوشنبے نادے آ سمیع ابراہیم تون ٹیل فون آہیت وگپ کرسا پارے کہ پاکستان تحریک انصاف نا سرکڑدہ ہی دُن انگا انفرادی فعل نا است بڈی ءِ کپک ہراٹی دانستہ یا غیر دانستہ وڑاٹ کس اسے نا عزت نفس مجروح مرے کس اسے نا جوزہ غاتے ٹھیس رسینگے۔ وزیراعظم پارے کہ حکومت و میڈیا جمہوری عمل نا اِرا المی جزو ءُ، نقطہ نظر نا اختلاف ءِ جندی اختلاف نا حد اسکان دننگ ہچ وڑاسے اٹ جوان اف۔
