الیکشن کمیشن نا کنڈآن حلقہ این اے 205گھوٹکی ٹی ضمنی گچین کاری کن پوسٹل بیلٹ اکن درخواست آتے جمع کرفنگ نا آخیریکو تاریخ 5 جولائی مقرر

اسلام آباد۔ 17 جون (اے پی پی) الیکشن کمیشن قومی اسمبلی نا حلقہ این اے 205گھوٹکی ٹی ضمنی گچین کاری کن پوسٹل بیلٹ اکن درخواست آتے جمع کرفنگ نا آخیریکو تاریخ5جولائی ءِ مقرر کرینے وخت اس کہ دا حلقہ غان تعلق تخوک آ پولنگ عملہ و پولنگ اسٹیشن آ ڈیوٹی تروک آ پولیس کارندہ غاتے کن 10 جولائی نا تاریخ ءِ مقرر کننگانے۔ الیکشن کمیشن نا کنڈآن جاری پریس ریلیز نا رداٹ دا حلقہ ٹی گچین کاری کن پوسٹل بیلٹ انا کمک اٹ وونٹ انا حق ءِ کاریم اٹ اتنگ نا خواہش مند سلہہ بند فوج، سرکاری ملازم و اوفتا خاہوت آتے پاننگانے کہ او 5جولائی اسکان پوسٹل بیلٹ اکن درخواست آتے جمع کرفر وخت اس کہ دا حلقہ ٹی ڈیوٹی آ سلوک پولنگ عملہ و پولیس کارندہ غاتے پاننگانے کہ او 10 جولائی اسکان تینا درخواست آتے جمع کرفر۔