ایلمی ءِ مون آ دننگ مذہبی، لسانی و علاقائی تعصب آتا حوصلہ شکنی ٹی میڈیا نا کڑد ستاکڑزک، وزیراعلیٰ گلگت بلتستان

گلگت۔ 17 جون (اے پی پی) وزیراعلیٰ گلگت بلتستان حافظ حفیظ الرحمان پارینے کہ گلگت بلتستان حکومت الس ءِ بنداوی آسراتی تا فراوانی کن گام گیج کرے، پرائیویٹ سیکٹر مفننگ نا سوب آن اخباری صنعت نا سیبو حکومت آ مریک ملک انا ایلو صوبہ غاتے ٹی روزگارنا وارخواہی فراوان کننگ نا بابت پرائیویٹ سیکٹر نا بھاز بھلو کڑد اسے۔ اوپارے کہ حکومت اخباری صنعت نا گچینی کن پالیسی جوڑ کرے و ادائیگی تے وخت آ المی کرینے۔ گلگت، غذر، سکردو ٹی پریس کلب جوڑ کرے وخت اس کہ ایلو ضلع غاتے ٹی پریس کلب نا ماڑی جوڑ کننگ انگ ءِ ہرافتے کن باقاعدہ گرانٹ نا بناءِ کرینے ہرادے برجاتخنگک۔ اوپارے کہ حکومت صحافی تا ویل آتے ایسر کننگ کن مخلصانہ گام گیج کننگ ءِ حکومتی کوتاہی تا پیدواری کن میڈیا نا کڑد اہم ءِ، پریس کلب و صحافی تنظیم تے بایدے مرے کہ زر صحافت نا حوصلہ شکنی کن تینا کڑدءِ ادا کیر، گلگت بلتستان اٹی المی ءِ مون آ دننگ، مذہبی لسانی و علاقائی تعصب آتا حوصلہ شکنی ٹی میڈیا ہرا کڑد ءِ ادا کرینے او ستاکڑزک۔ وزیراعلیٰ گلگت بلتستان حافظ حفیظ الرحمان پارینے کہ گلگت بلتستان آن بیدس اسہ صوبہ اس ہم شونداری بجٹ نا ارٹمیکو ریلیز ءِ کاریم اٹ اتتنے وخت اس کہ گلگت بلتستان ملک انا ہمو اسٹ انگا بشخ ءِ ہراڑے 100 درسد شونداری بجٹ کاریم اٹ اتنگ انگ ءِ۔