اسلام آباد۔ 16 جون (اے پی پی)مزن وزیر عمران خان ءَ گوشت کہ پروشتت ءِ ترس منفی ءُُ دفاعی حکمت عملی ءِ سبب جوڈبوھگ انت ءُُ اے جاورھال چہ مخالف ٹیمب ءِ غلطی چہ پائدگ چست کت مہ کن انت، دوئیں ٹیمب سکیں ٹینشن ءَ گوں میدان ءَ کائنت،سرفرازوڈیں دلیریں کپتان پاکستان ءِ وش بہتی انت ءُُ مروچیگیں میچ ءِ تہ ھم مہ ایشی چہ گہتریں کارکردگی ءِ امیت انت۔میچ ءِ تہ باج برگ ءِ ھاترا جارحانہ حکمت عملی ءِ ردا سپیشلسٹ لیبی ءَ گوں میدان ءِ تہ پترگ بیت۔یک شمبے ءَ چاگردی ویب سائٹ ٹویٹر سرا وتی کلوھ ءَ مزن وزیر ءَ گوشت کہ وھدیکہ من لیئب ءِ بنداتی کتگ ات تو من سمجھگ ات کہ باج ءِ ھاترا 70درسد ٹیلینٹ ءُُ 30درسد ذہن بوھگ انت بلے وھدیکہ من لیئب کنگ بند کتگ تو مھسوس کت کہ سوبمندی ءِ تہ دوئینانی کساس بروبر بوھگ انت۔مزن وزیر ءَ گوشت کہ من وتی دوست گواسکر ءَ گوں تپاک انت ایشی ءِ گوشگ ات کہ سوبمندی ءِ تہ ذہنی تاگت ءِ بھر60درسد ءُُ ٹیلنٹ ءِ 40درسد بوھگ انت۔مروچی ذہنی بود ءِ کرد 60درسد ءَ چہ گیش انت۔مزن وزیر عمران خان ءَ مروچی پاک بھارت کرکٹ میچ ءِ ارزشت ءِ ھوالہ گوشت کہ دوئیں ٹیمب ذہنی ٹیشن ءَ گوں میدان ءَ پترانت ءُُ اعصاب ءِ مھکمی مروچیگیں میچ ءِ آسر ءِ پیسلہ کن ایت، سرفرازوڈیں دلیریں کپتان پاکستان ءِ وشبہتی انت ءُُ مروچی میچ ءِ تہ ھم مہ گہتریں پرفارمنس ءِ امیت کنیں۔مزن وزیر عمران خان ءَ راجی ٹیمب ءِ کپتان سرفراز احمد ءَ را کٹگ ءِ ھاترا صلاح داتگ کہ سرفراز احمد ءَ را وتی دماغ ءَ چہ ہمک وڈیں پروشت ءِ ترس درکنگ بیت۔عمران خان ءَ کپتان سرفراز احمد ءُُ پاکستانی کرکٹ ٹیمب ءَ را صلاح داتگ کہ میچ ءِ تہ باج ءِ ھاترا جارھانہ حکمت عملی ءِ ردا ھاسیں لیئبی ءَ گوں میدان ءَ پترگ بیت،مزن وزیر عمران خان ءَ گیش گوشت کہ راجی ٹیمب گہتریں کارکردگی ءِ درشان کنان ءَ گڈی بال ءِ تاں مقابلہ کن ایت،پدا آسر ہمہ کہ بنت اسپورٹس مین شپ ءِ درشان ءَ کن ایت۔مزن وزیر عمران خان ءَ گوشت کہ دراھیں راج ءِ دعا شمے گوں ھوار انت۔وتی کلوھ ءِ گڈی بھر ءَ عمران خان ءَ راجی ٹیمب ءَ را ”گڈ لک“گوشتگ۔
