اسلام آباد۔ 16 جون (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ سلطنت شریفیہ ءِ سزا یافتہ شہزادی ءُُ سلطنت زرداریہ ءِ ولی عہد ءِ رائیونڈ محل ءِ تہ اجتماع ءِ جمہوریتءَ گوں ہچ سیادی نیست انت، مہلوک اے راستی چہ سرپد انت کہ نسل در نسل سیاست ءُُ وراثت ءِ منتقلی ءِ کار دوئیں گلان بناء کتگ ات،مروچیگیں بیٹھک اے منصوبگ ءَ را پیلو کنگ ءِ نیمگا دیمروئی انت، بینظیر بھٹو شہید ءِ روح مروچی الما بے چین بیت۔یک شمبے ءَ چاگردی ویب سائٹ ٹویٹر سرا وتی بیان ءَ ڈاکٹر فردوس عاشق اعوان ءَ گوشت کہ سلطنت ءِ شریفیہ ءِ سزایافتہ شہزادی ءُُ سلطنت ءِ زرداریہ ءِ ولی عہد ءِ رائیونڈ ءِ تہ مچ بوھگ ءِ جمہوریت ءِ گوما ہچ سیادی نیست انت۔آہاں گوشت کہ بینظیر بھٹو شہید ءِ روح مروچی الما بے چین بوت پرچاکہ ہمہ بی بی ءَ ہروھد تخت لاہور ءَ را للکاراتگ آں مروچی وتی پت ءِ کرپشن ءَ را رکھگ ءِ ھاترا رائیونڈ شت سر بوتگ ات۔ ڈاکٹر فردوس عاشق اعوان ءَ گوشت کہ مہلوک اے راتی چہ سرپد انت کہ نسل در نسل سیاست ءُُ وراثت ءِ منتقلی ءِ ہمہ کار دوئیں گلاں بناء کتگ ات مروچیگیں ننداک اے منصوبگ ءَ را پیلو کنگ ءِ نیمگا یک گامے انت۔آہاں گوشت کہ امیت انت کہ بلاول بھٹو زرداری ءُُ مریم صفدر عدالت ءَ را دلجم کنگ ءِ ھاترا وتی براتاں ءُُ شریف ھاندان ءِ دگہ مردماں را واتر آرگ ءِ ایجنڈہ طے کن انت ءُُ راج ءَ را ھم سرپد کن انت۔
