اسلام آباد۔ 16 جون (اے پی پی) مزن وزیر عمران خان ءِ ھاسیں کڈنی ءِ سرا دری کارانی وزیر ءَ “آن لائن سی ویزہ”ءِ بنگیجی کتگ ات ہمہ کہ باز سوبمند ی ءَ گوں برجاہ انت۔نادرا ریکارڈ ءِ ردا تنیگہ 9931 ای ویزہ دزبندی جم بوتگ ات ایشاں چہ 7160 مردماں را زوت ویزہ جاری کتگ ات وھدیکہ 2446 دزبندی ءِ سرا کار برجاہ انت بلے 325 دزبندی ءَ را ٹیکنیکل سبب ءَ رد کنگ بوتگ۔دری معاملہانی کارگس ءِ بیان ءِ ردا دری کارانی وزیر شاہ محمود قریشی ءَ گوشت کہ مئے نوکیں ویزہ رجیم باز سوبمندی ءَ گوں برجاہ انت ءُُ الحمدللہ مارا لوٹ کتگیں آسر رسگ انت۔آہاں گوشت کہ مردم بیئپار،سیاحت ءُُ تعلیم ءِ ھاترا پاکستان ءَ آھگ ءِ ھاترا سی ویزہ ءِ آسراتی چہ پائدگ چست کنگ انت۔آہاں گوشت کہ من ءَ پکہ امیت انت کہ ویزہ پالیسی ٹوارزم ءِ پراھی ءُُ معیشت ءِ گہبودی ءِ ھاترا سنگ میل پدر بیت ءُُ اے نوکیں ویزہ پالیسی چہ “اقتصادی سفارتکاری ” ءَ را ھم پراھی رسیت۔
