اسلام آباد۔ 15 جون (اے پی پی) دری کارانی بنجاہی وزیر مخدوم شاہ محمود قریشی سرکاری تروتاب ءِ سرا لندن ءَ رھادگ بوتگ ات۔ لندن روگ ءَ چہ پیسر ءَ ھپتگ ءَ استنبول بالی پٹ ءِ سرا میڈیا ءَ گوں گپ ءُُ تران کنان ءَ بنجاہی وزیر ءَ گوشت کہ ہنچو کہ شما سرپد انت کہ لندن ءَ منی دودیمی گند ءُُ نند انت۔لندنءَ اوشت ءِ ساعت ءَ منی برطانوی ہمکار جیریمی ہنٹ ءُُ ہوم سیکریٹری ساجد جاوید ءِ گوما گند ءُُ نند بنت۔ایشی ءِ بید ’ڈیلفٹ‘آئی ءَ کہ پنجاب ءُُ خیبر پختونخواءِ تہ جان سلامتی ءُُُ وانگ ءُُ زانگ ءِ پڑ ءَ باز کار کتگ آہانی منسٹر انچارج ءِ گوما ھم گند ءُُ نند ایر انت وھدیکہ ایشی ءِ ھوار برطانوی پارلیمنٹریز ءَ گوں ھم گند ءُُ نند بنت۔بنجاہی وزیر ءَ گوشت کہ برطانیہ ءَ نشتگیں پاکستانی کمیونٹی ءِ گوما گند ءُُ نند ھم کنان۔
