احتساب عدالت ءَ جعلی اکاؤنٹس کیس ءِ تہ دزگیر فریال تالپورءَ را 9 روچانی ریمانڈءِ ھاترا نیب ءِ ھوالہ کتگ

اسلام آباد۔ 15 جون (اے پی پی)احتساب عدالت ءَ جعلی اکاؤنٹس کیس ءِ تہ دزگیر پیسریگیں صدر آصف علی زرداری ءِ گہار فریال ٹالپرءَ را 9روچانی ریمانڈ ءِ سرا نیب ءِ ھوالہ کتگ،نیب ءَ فریال تالپور ءَ را اسلام آبادءِ تہ زرداری ہاوس ءَ را سب جیل گوشتگ ءُُ ایشانی گس ءَ چہ احساب آمیدگس اسلام آباد ءِ جج ارشد ملک ءِ دیما پیش کتگ۔گوشداری ءِ ساعت ءَ نیب پراسیکیوٹر ءَ وتی ولیل ءَ گوشت کہ فریال ٹالپور جعلی اکونٹس کیس ءِ تہ نامینتگ ءِ ملزم انت ءُُ ایشی ءِ ریفرنس ءِ تہ ھاسیں کرد انت۔زرداری گروپ ءِ اکاؤنٹ ءِ تہ ارباں کلدار ءِ شکیگیں ٹرانزیکشنز بوتگ ات، زرداری گروپ ءِ اکاؤنٹ فریال تالپور آپریٹ کنگ انت ءُُ اکونٹ ءِ تہ جعلی بینک اکاونٹس ءَ چہ زر اتکگ انت۔نیب پراسیکیوٹرءَ گوشت کہ کلدار فریال ٹالپور ءِ دست چنگل چہ اویس مظفر ءِ اکاونٹ ءَ دیم دیگ بوتگ ات، فریال تالپور زرداری گروپ ءِ ڈائریکٹرانت۔نیب پراسیکیوٹر ءِ نیمگا چہ فریال ٹالپور ءِ14روچی ریمانڈ ءِ دزبندی کتگ ات بلے آمیدگس ءَ اے رد کنان ءَ 9 روچ ءِ ریمانڈ من اتگ ءُُ آئی ءَ را نیب ءِ ھوالہ کتگ۔عدالت ءَ فریال تالپور ءَ را 24 جون ءَ دوبر آمیدگس ءَ پیش کنگ حکم داتگ۔