اسلام آباد۔ 15 جون (اے پی پی) سپیکر قومی اسمبلی اسد قیصر ءَ گوشت کہ پاکستانی کرکٹ ٹیمب گہتریں لیبی ءَ ھوار انت ہمہ کہ بین الپارلیمانی کرکٹ ورلڈ کپ ءِ تہ شریں کارکردگی پیدارانت ءُُ ٹورنامنٹ ءِ گہتریں ٹیمب پدر بیت۔ٹورنامنٹ ءِ برجم داری ءَ چہ راھوت ءِ ودکی ءُُ پارلیمانانی میان ءَ سیادی گہتر بنت، بین الپارلیمانی کرکٹ ٹورنامنٹ ءِ پلیٹ فارم چہ مارءَ دولت مشترکہ ءُُ دگہ ملکاں گوں وتی سیادی ءَ را گیش مھکم کنگ ءَ کمک رسیت۔ھپتگ ءَ بنجاہی اسمبلی سیکرٹریٹ ءَ انگلینڈ ءِ تہ برجم بیوکیں بین الپارلیمانی ورلڈ کپ کرکٹ ٹورنامنٹ ء پہ 25باسکی پارلیمانی کرکٹ ٹیمب ءِ جار جتگ،مزن وزیر اسلامی جمہوریہ پاکستان عمران خان ءُُ سپیکر بنجاہی اسمبلی اسد قیصر بین الپارلیمانی ورلڈ کپ کرکٹ ٹورنامنٹ ءِ تہ اعزازی مہمان بنت،کرکٹ ٹورنامنٹ ءِ تہ آسٹریلیا،انگلینڈ، نیوزی لینڈ، بھارت، ساؤتھ افریقہ، پاکستان، بنگلہ دیش ءُُ افغانستان ھوار انت۔کرکٹ ٹیم 8 چہ 15 جولائی ءَ تاں لندن ءِ تہ برجم بیوکیں ورلڈ کپ کرکٹ ٹورنامنٹ ءِ تہ بھرزورانت۔پاکستانی ٹیمب ءِ سروکی باسک بنجاہی اسمبلی مخدوم زین حسین قریشی کن انت وھدیکہ نائب کپتان علی زاہدءُُ امیر سلطان کیپر ءِ بستار ءَ فرضاں پیلو کن انت۔ کرکٹ ٹورنامنٹ ءَ آسٹریلیا،انگلینڈ، نیوزی لینڈ، بھارت، ساؤتھ افریقہ، پاکستان، بنگلہ دیش ءُُ افغانستان ھوار بنت۔ پاکستانی پارلیمانی کرکٹ ٹیمب ءِ تہ بنجاہی اسمبلی ءِ باسکاں مخدوم زین حسین قریشی، علی نواز اعوان، شہریار خان آفریدی، قاسم خان سوری ڈپٹی سپیکر قومی اسمبلی، علی زاہد، امیر سلطان، مرتضی محمود، مصطفے محمود، عمران خٹک، صداقت علی عبادسی، نوید ڈیرو، مجاھد علی، عطاہ اللہ خان، شاہد خٹک، سینیٹر آغا شاہ زیب دورانی، شاہ فرمان گورنر خیبر پختونخواہ، ممبران صوبائی اسمبلی سید علی حیدر گیلانی، محمد بخش، مبین خلجی، عباس جعفر، احمد کنڈی، ایاز اکبر ٹیم کوچ، شہریار خان ٹیم مینیجر مظہر علی ءُُ ابرار حیدر بطور ٹیم اسسٹنٹ ھوار انت۔
