بشکک ۔ 14 جون (اے پی پی) مزن وزیر دعمران خان ئَ آدینگ ئِ روچ ئَ کرگستان ئِ دارالحکومت بشکک ئَ بیلاروس ئِ صدر الیگزینڈرلوکاشینکو ئَ گوں گند ئُُ نند کت۔ دوئیں سروک آنی نیام ئَ شنگھائی کمکی گل (ایس سی او) ئِ حکومت آنی سروک کونسل آنی 19نوزدھمی دیوان ئِ موہ ئَ بوت۔ وزیر ئِ درئی کار شاہ محمود قریشی ھم اے موہ ئِ سر ئَ ساڑی ات۔ گپ ئُُ تران ئِ ساھت ئَ دو نیمگی یکوئی آنی توامیں بھر باست ئُُ واست کنگ بوت انت۔ دوئیں سروک آں تجارتی، اقتصادی ئُُ سرمایہ کاری ئِ شوبگ ئَ وت مہ وتی سیت ئِ واستہ یکوئی آناں گیش دیمروئی دیگ ئُُ مزن تکی سیاسی لیکہ آنی یک ئُُ دگر ئَ دیگ ئِ گیشی ئِ سر ئَ تپاک کت۔ پاکستان ایس سی او ئِ پکوئیں باسک ات وھدیکہ بیلاروس ئَ گشتانک کاریں ملک ئِ بستار گون اِنت۔
