بشکک۔ 14جون (اے پی پی) شنگھائی کمکار تنظیم (ایس سی او) نا سربراہان حکومت نا کونسل نا 19 می دیوان جمعہ نادے آ کرغزستان نا دارالحکومت بشکک اٹی بناکرے۔ دیوان اٹی غٹ باسک و مبصر ملک آتا سرکڑدہ غاک ساڑی ئسر۔ کرغزستان نا صدر ورنبے جین بیکوف دیوان نا جاگہ غا بننگ آ وزیراعظم عمران خان تون اوار غٹ راہشون تے بخیر کرے۔ دیوان نا کارروائی نا بناآن مست غٹ راہشونک گروپ فوٹو اس کشفیر۔ شنگھائی کمکار تنظیم نا سروک دیوان اٹی پاکستان، بھارت، چین ، تاجکستان ، روس ، ازبکستان ، قزاخستان و کرغزستان آخبتی باسک و بیلاروس ، اوغانستان ، ایران و منگولیا نا صدر و مبصر ملک آتا نمائندہ غاتا حیثیت اٹ بشخ ہلنگ ئُ۔ کرغزستان نا صدر سورنبے جین بیکوف، پاکستان نا وزیراعظم عمران خان، روس صدر ولادی میر پیوٹن، قزاخستان نا صدر قاسم جومرت توکوف، ازبکستان نا صدر شوکت مرزیوف، تاجکستان نا صدر امام علی رحمان ، ایران نا صدر حسن روحانی، بھارت نا وزیراعظم نریندر مودی ، بیلاروس نا صدر الیگزینڈر لوکاشنکو، منگولیا نا صدر خالتما جن بٹوگلا و اوغانستان نا صدر اشرف غنی شنگھائی کمکار تنظیم نا سروک دیوان اٹی ساڑی ئُ۔
