اسلام آباد۔ 14جون (اے پی پی) وزیراعظم عمران خان جمعہ نادے آ بشکیک اٹی اڈہلوک آ شنگھائی کمکار تنظیم (ایس سی او) نا باسک ملک آتا سروک آتا کونسل نا دیوان نا وخت آ چین نا صدر شی جن پنگ تون اوڑدہی کرینے۔ داوخت آ ہڑتوم آ راہشونک تین پہ تینی تعلقداری تیا گپ و تران کریر۔ وزیراعظم آفس آن جاری بیان نا رداٹ اوڑدہی ٹی وزیراعظم نا خصوصی کمکار امور نوجوانان محمد عثمان ڈار ساڑی ئس۔ وزیراعظم عمران خان صدر سورنبے جنبیکوف نا سلہ غا شنگھائی کمکار تنظیم نا سروکی دیوان اٹی بشخ ہلنگ کن کرغزستان نا دورہ غاٹی ئِ۔ دیوان نا کماشی ئِ کرغزستان نا صدر کرے۔ دیوان اٹی پاکستان آن بیدس ایس سی او نا باسک ملک آک چین، روس، بھارت، قازستان ، کرغزستان ، تاجکستان و ازبکستان نا ڈل آک ساڑی ئسر وخت اس کہ دیوان اٹی ایس سی او نا مبصر ملک آک اوغانستان، ایران، بیلاروس و منگولیا ئسک ہم بشخ ہلنگ ئُ۔
