اسلام آباد۔ 14جون (اے پی پی) ترجمان ایوان صدر پارینے کہ صدر مملکت ڈاکٹر عارف علوی نا پارت آ حکومت نا اختیار کروک کفایت شعاری مہم نا رداٹ اینخو نا مالی سال اکن ایوان صدر اٹی سی ڈی اے نا کنڈآن بناکروک غٹ ڈٹ آتے دمدستی وڑاٹ توننگانے۔ جمعہ نادے آ اسہ بیان اسے ٹی ترجمان ایوان صدر پارے کہ سی ڈی اے ئِ پارت کننگانے کہ او پین وخت اس ہر ڈٹ انا ڈٹ بندی و اودے حتمی دروشم اس تننگ آن مست ایوان صدر نا مجاز اتھارٹی آن پیشگی منظوری دوئی کے۔
