اسلام آباد۔ 14جون (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ قومی اسمبلی نا دیوان ڈوہدار تا بچفنگ کن بایدے کاریم اٹ اتنگپ، وزیراعظم نا شنگھائی کمکار تنظیم نا سروک دیوان اٹی بشخ ہلنگ کن درملکی دورہ سرسہب مسنے، پاکستان بھارت تون مذاکرات کن مون آ بس، پاکستان نا امن نا است خواہی ئِ نزوری تکنگپ ، اپوزیشن لیڈر شہباز شریف آن سہی جاست و پاست مننگ کتنے ، او جاست وپاست اٹی قومی اسمبلی و تینا منسٹر کالونی نا اُراٹی ئس، بھلا بھلا بندغ آتا احتساب مننگ ئِ ہرا تینے کانود آن ایڑتر سمجھارہ او داسہ جیل اٹی ئُ۔ جمعہ نادے آ پارلیمنٹ ہاﺅس نا پیشن میڈیا تون گپ و تران کرسا اوپارے کہ وزیراعظم عمران خان شنگھائی کمکار تنظیم نا دورہ ئِ پورو کرسا اینو وطن آ پدی بننگ ئِ اونا دورہ سرسہب مس۔ روس انا صدر تون وزیراعظم اوڑدہی کرے، روس اتون پاکستان نا تعلقداریک بے مٹ ئُ۔
