کوئٹہ۔ 14جون (اے پی پی) ڈی جی نیب بلوچستان السی غاوتیا الس ئِ فائدہ نا دروترسا پلوک آ کمپنی، غیر کانودی ہاﺅسنگ اسکیم تا نوٹس ئِ ہلک، فراڈ کاروباری سرجزآتا سخت نظر و ریکارڈ جمع کننگ نا پارت جاری، نیب بلوچستان نا چندی ونگز آک متحرک مسر، کرپٹ عنصر آک تینا فائدہ غاتا دوئی کننگ کن الس ئِ اوفتا مچ کروک آ پیسہ غاتیان محروم کننگ کپسہ، خلقت تون درو کروک آ بندغ آتے کانود نا رداٹ ہر حال اٹ سزا تننگک۔ الس نیب ئِ شکبر کاروباری سرجزو ہاﺅسنگ سوسائٹی تا بارواٹ وخت آ احوال ایتے۔ ڈی جی نیب بلوچستان فرمان اللہ ڈائریکٹر جنرل قومی احتساب بیورو بلوچستان فرمان اللہ منافع نا پن آ درو ترسا الس ئِ پلوک آ کمپنی، غیر کانودی ہاﺅسنگ اسکیم تا بابت الس نا غاو تا نوٹس ئِ ہلکونے، دُن انگا غٹ غیر کانودی کاروباری سرجزآتیا سخت نظر و ریکارڈ جمع کننگ نا پارت جاری، نیب بلوچستان نا چندی ونگز آک متحرک مسر، ڈی جی نیب بلوچستان فرمان اللہ ہردے نا بنداو آ الس تون دروکننگ نا بابت ملوک آ غاوتا ردعمل اٹ پارینے کہ چیئرمین نیب جسٹس جاوید اقبال نا خصوصی پارت آک ئُ کہ خلقت تون درو کروک آ کرپٹ عنصر آتا برخلاف دمدستی کارروائی کننگے۔ پیسہ نا حڑص اٹ کور کرپٹ عنصر آک تینا فائدہ نا دوئی کننگ کن الس ئِ اوفتا حلال مچ کروک آ پیسہ غاتیان محروم کننگ کپسہ، خلقت تون درو کروک آ بندغ آتے کانود نا رداٹ سزا تننگک۔ الس نیب ئِ شکبر کاروباری سرجزو ہاﺅسنگ سوسائٹی تا بارواٹ وخت آ معلومدار کیر تانکہ اوفتا برخلاف دمدستی کارروائی کننگ مرے۔ نیب بلوچستان دا رداٹ الس ئِ پارت کرسا پارینے کہ ملک اٹی رائج مروجہ مالیاتی کانود نا برعکس غیر کانودی وڑاٹ چلینگوک آ غٹ غیر کانودی سرجزو کانودی ضابطہ غاتا برخلاف جوڑ ہاﺅسنگ اسکیم آتیٹی زرکاری آن پاناد کیر و تینا حق حلال نا کٹیا کروک آ پیسہ غاتے کاروبار اسے ٹی خلنگ آن مست پورو است جم مریر کہ تعلقدار فرم اسٹیٹ بینک آف پاکستان و سیکورٹی ایکسچینج کمیشن آف پاکستان تون رجسٹرڈ مروک ئِ ، زیات مالیاتی فائدہ غاتا لالچ اٹ الس تینا مچ آ زند انا سرمایہ غاتیان محروم مرسا نیب تون اوار ایلو ریاستی ادارہ غاتون رجوع کیرہ جوان مریک کہ الس پد انا مرغن انگا فریشانی آن بچنگ کن مست آن ہی احتیاط کرسا باشعور مننگ نا شاہدی ایتر۔ ڈی جی نیب بلوچستان اسہ وار ولدا دا پکا عزم انا اعادہ ئِ کرے کہ چیئرمین نیب جسٹس جاوید اقبال نا خصوصی پارت و وژن ئِ مون آ تخسا وڈی خوری و بدعنوان عنصر آتا بیخ ئِ پٹنگ کن قومی احتساب بیورو بے پرخ کانود نا رداٹ کارروائی تے برجاتخک۔
