کرگستان ءِ مزن وزیر محمد کلئی ابولگزیف ءُُ وزیر ءِ جان سلامتی کسوسیک سراءوچ ءَ مزن وزیر ءَ را وش اتک کت
اسلام آباد ۔ 13 جون (اے پی پی) مزن وزیر عمران خان شنگھائی کمکی گل ءِ سروک دیوان ءَ بھر زوری ءِ واستہ پنچ شمبے ءِ روچ ءَ کرگستان ءِ دارالحکومت بشکک ءَ پُج ات ۔ کرگستان ءِ مزن وزیر محمد کلئی ابولگزیف ءُُ وزیر ءِ جان سلامتی کسموسبیک سراءوچ ءَ مزن وزیر ءَ را وش اتک کت ۔ وزیر ءِ درئی کار شاہ محمود قریشی ءُُ ورنا آنی کار آنی ھاسیں کمکار عثمان ڈار ھم مزن وزیر ءِ ھمبراہ ات ۔ مزن وزیر عمران خان 13 ءُُ 14جون ءَ ایس سی او ءِ 19نوزدھمی سروک دیوان ءَ بھر زوری ءِ رد ءَ کرگستان ءِ تر ءُُ تاب ءَ کنگ ءَ انت ۔ پاکستان ءَ ابید ایس سی او ءِ پکوئیں باسک آنی تہ ءَ چین، روس، بھارت، کزاکستان، کرگستان، تاجکستان ءُُ ازبکستان ھوار انت ، وھدیکہ اوگانستان ، منگولیا، ایران ءُُ بیلاروس ءِ گشتانکار ءِ بستار گون انت ۔ مزن وزیر عمران خان ءَ دیوان ءَ بھر زوری ءِ دعوت کرگستان ءِ صدر سورون بیکوف ءَ داتگ ۔ دیوان ءَ ارزشتی ایں میاں اوستمانی گل آنی نماھندگ ھم بھر زوری کنگ ءَ انت ۔ جتا جتائیں شوبگ آنی تہ ءَ کمک ءِ تہ ءَ گیشی ءِ رد ءَ منوگری ءَ ابید مملکت آنی سروک دیوان ءَ ارزشتی ایں پیسلہ ھم کن انت ۔ مزن وزیر اے موہ ءِ سر ءَ ایندگر ملک آنی سروک آں گوں گند ءُُ نند ھم کنت انت ۔
